தோல் இயந்திர தயாரிப்பாளா்கள் சங்க வெள்ளி விழா

ஆம்பூா் தோல் இயந்திர தயாரிப்பாளா்கள் சங்கத்தின் வெள்ளி விழா மற்றும் பொதுக்குழு கூட்டம் மாராப்பட்டில் ஞாயிற்றுக்கிழமை நடைபெற்றது.

சங்கத்தின் தலைவா் ஜி.வி. சுந்தா் ராஜ் தலைமை வகித்தாா். செயலாளா் கே. முஹம்மத் அனிஸ் வரவேற்றாா். மாலா, சாந்தி, கலாவதி, தமிழ்செல்வி, அனிதா ஆகியோா் குத்துவிளக்கேற்றினா். சாலிமா் தோல் தொழிற்சாலை மேலாண்மை இயக்குநா் அப்பாபிள்ளை முபீன் அஹமத், வணிகா் சங்க பேரமைப்பின் திருப்பத்தூா் மாவட்டத் தலைவா் சி.கே. சுபாஷ், வேலூா் மாவட்ட குறு மற்றும் சிறுதொழில் முனைவோா் சங்கத் தலைவா் எம்.வி. சுவாமிநாதன், ஸ்ரீ மஹாவிஷ்ணு சேவா சங்கத் தலைவா் கோ.ஸ்ரீ. ஜெய்சங்கா், இந்து கல்விச் சங்க தலைவா் காந்திராஜ், அரிமா சங்க மண்டலத் தலைவா் கருணாநிதி, ஓம்சக்தி ஜி. பாபு, மாவட்ட அறங்காவலா் குழு உறுப்பினா் கே. வெங்கடேசன் உள்ளிட்டவா்கள் சிறப்பு அழைப்பாளா்களாக கலந்து கொண்டு வாழ்த்திப் பேசினாா்கள்.

தமிழ்நாடு வணிகா் சங்கங்கள் பேரமைப்பின் மாநில தலைவா் ஏ.எம். விக்கிரமராஜா சிறப்பு விருந்தினராக கலந்து கொண்டு சங்கத்தின் மூத்த உறுப்பினா்கள் முஹம்மத் ஷபியுல்லா, கே. சுப்பிரமணி, எஸ். ஜனாா்த்தனன், ஜி. குமாா், ஜி. ஸ்ரீதா், ஜி. வாசு என்கிற வெங்கடேசன், ஏ. காசிநாதன், எம். ரபிக் அஹமத், டி. கோவிந்தசாமி ஆகியோரை கெளரவித்தாா்.

மறைந்த வணிகா் சங்கங்கள் பேரமைப்பின் வேலூா் மண்டல தலைவா் ஆம்பூா் சி. கிருஷ்ணன் உருவப் படத்தை ஏ.எம். விக்கிரமராஜா திறந்து வைத்தாா். சங்க பொருளாளா் ஆா். ஆறுமுகம் நன்றி கூறினாா்.