சாராயம் காய்ச்சுவோா் மீது கடும் நடவடிக்கை: திருப்பத்தூா் எஸ்.பி. எச்சரிக்கை

சாராயம் காய்ச்சுவோா் மீது கடும் நடவடிக்கை எடுக்கப்படும் என திருப்பத்தூா் மாவட்ட எஸ்.பி. ஆல்பா்ட் ஜான் எச்சரிக்கை விடுத்துள்ளாா்.

இது குறித்து அவா் வெளியிட்ட செய்திக் குறிப்பு:

திருப்பத்தூா் மாவட்டத்தில் கள்ளச் சாராயத்தை முற்றிலும் ஒழிக்கும் வகையில் கடந்த 2 நாள்களுக்கு முன்பு 16 காவல் உதவி ஆய்வாளா்கள், 20 போலீஸாா் கொண்ட தனிப்படை அமைக்கப்பட்டு மாவட்டம் முழுவதும் நடத்திய சோதனைகளில் மொத்தம் 31 வழக்குகள் பதிவு செய்யப்பட்டுள்ளன.

இதில் பொது இடத்தில் மது அருந்தியதாக 18 வழக்குகளும், மது பாட்டில்கள் கடத்தியதாக 3 வழக்குகளும், கள்ளச் சாராயம் விற்பனை செய்ததாக 10 வழக்குகளும் பதிவு செய்யப்பட்டுள்ளன.

மேலும் 37 மது பாட்டில்கள், ஒரு மோட்டாா் சைக்கிள் ஆகியவை பறிமுதல் செய்யப்பட்டு 7 போ் நீதிமன்றக் காவலுக்கு அனுப்பி வைக்கப்பட்டுள்ளனா்.

திருப்பத்தூா் மாவட்டத்தில் கள்ளச் சாராயத்தை முற்றிலும் ஒழிக்க அனைத்து நடவடிக்கைகளும் எடுக்கப்பட்டு வருகிறது. எனவே கள்ளச் சாராயம் காய்ச்சுபவா்கள், மது பாட்டில்கள் கடத்துபவா்கள் மீது கடும் நடவடிக்கை எடுக்கப்படும் என அதில் தெரிவிக்கப்பட்டுள்ளது.