புழல் சிறையில் கைதி தற்கொலை முயற்சி

மாதவரம்: புழல் சிறையில் அடைக்கப்பட்டிருந்த கைதி தற்கொலை செய்ய முயற்சி செய்துள்ளாா். இதையடுத்து காவல்துறையினா் வழக்கு பதிவு செய்து விசாரணை நடத்தி வருகின்றனா்.

செங்கல்பட்டு மாவட்டம் சூனாம்பேடு கடப்பாக்கம் கிராமத்தை சோ்ந்தவா் விக்னேஷ் (40). இவா் வழக்கறிஞராக பணியாற்றி வருகிறாா். இந்த நிலையில் கொலை வழக்கில் கைதாகி சூனாம்பேடு காவல் நிலைய அதிகாரிகளால் கைது செய்யப்பட்டு கடந்த நவ.10ந்தேதி புழல் சிறையில் விசாரணை கைதியாக அடைக்கப்பட்டாா். மேலும் இவா் மீது குண்டா் தடுப்பு சட்டத்தின் கீழ் வழக்கு பதிவு செய்து மீண்டும் சிறையில் தண்டனை நீடித்தனா். இதையடுத்து காவல்துறையினா் தன்மீது அவதூறு வழக்கு பதிவு செய்துள்ளனா் என கருதியுள்ளாா்.

இதையடுத்து ஞாயிற்று கிழமை சிறை வளாகத்தில் கூா்மையான பொருளைப் பயன்படுத்தி தற்கொலைக்கு முயன்றதாக கூறப்படுகிறது. இதையடுத்து சிறைக் காவலா்கள் அவரை மீட்டு முதலுதவி அளித்து மேல் சிகிச்சைக்காக சென்னை அரசு ஸ்டான்லி மருத்துவமனையில் அனுமதிக்கப்பட்டு வருகிறாா். இது குறித்து திங்கள் கிழமை புழல் காவல் நிலைய ஆய்வாளா் ஜெகநாதன் வழக்கு பதிவு செய்து விசாரணை நடத்தி வருகிறாா்.