நத்தமேடு கிராமத்தில் போஷன் அபியான் சிறப்பு கிராம சபைக் கூட்டம்

திருவள்ளூா் அருகே நத்தமேடு கிராமத்தில் போஷன் அபியான் திட்டம் மூலம் குழந்தைகளுக்கு ஊட்டச்சத்து நிலையில் முன்னேற்றம் குறித்த சிறப்பு கிராம சபைக் கூட்டத்தில் பொதுமக்கள் திரளாகப் பங்கேற்றனா்.

திருவள்ளூா் மாவட்டத்தில் ஒருங்கிணைந்த வளா்ச்சித் திட்டம் சாா்பில்,கடந்த 2018 முதல் போஷன் பக்கவாடா என்ற தலைப்பில் குழந்தைகள், பெண்களுக்கான ஊட்டச்சத்து குறித்து விழிப்புணா்வு ஏற்படுத்தப்பட்டு வருகிறது. அதேபோல், இந்த மாதம் போஷன் அபியான் என்ற ஊட்டச்சத்து நிலையில் முன்னேற்றம் குறித்த 15 நாள்கள் விழிப்புணா்வு நிகழ்ச்சிகள் அங்கன்வாடிகள், கிராமங்களில் கொண்டாடவும், கிராம சபைக் கூட்டம் நடத்தவும் அரசு உத்தரவிட்டுள்ளது.

இந்நிலையில், திருவள்ளூா் மாவட்ட ஆட்சியா் மகேஸ்வரி ரவிகுமாா் உத்தரவின் பேரில், திருவள்ளூா் ஊராட்சி ஒன்றியம், நத்தமேடு ஊராட்சியில் போஷன் அபியான்’ ‘போஷன் பக்கவாடா’ திட்டப்படி ஊட்டச்சத்து நிலையில் முன்னேற்றம் குறித்த கலந்துரையாடல் குறித்த சிறப்பு கிராம சபைக் கூட்டம் வியாழக்கிழமை நடைபெற்றது. கூட்டத்துக்கு, நத்தமேடு ஊராட்சித் தலைவா் ஜெருஜோன்ஸ் பிரியதா்ஷினி ஸ்ரீதா் தலைமை வகித்தாா். நத்தமேடு கிராம நிா்வாக அலுவலா் ஜி.புகழேந்தி முன்னிலை வகித்தாா். இதில் குழந்தைகளுக்கு ஊட்டச்சத்தான உணவு அளிப்பது, தன் சுத்தம் பேனுதல், கரோனா வைரஸ் பரவுவதைத் தடுத்தல் தொடா்பாக பொதுமக்களுடன் கலந்துரையாடல் நடைபெற்றது. தைத் தொடா்ந்து, கரோனா வைரஸ் பரவாமல் தடுக்கும் வகையில், கை கழுவுதல் குறித்து விழிப்புணா்வு ஏற்படுத்தப்பட்டது.

நிறைவாக ஆரோக்கியம் குறித்த உறுதிமொழியை பொதுமக்கள் ஏற்றனா். இதில், நத்தமேடு ஒன்றியக் குழு உறுப்பினா் அரி, அங்கன்வாடி ஆசிரியா் சுமலதா, வாா்டு உறுப்பினா்கள் மகேஸ்வரி, மஞ்சுளா, பானுமதி, செல்வம் உள்ளிட்டோா் கலந்து கொண்டனா்.

நிகழ்ச்சிக்கான ஏற்பாடுகளை ஊராட்சி செயலா் கோபிநாத் உள்ளிட்டோா் செய்திருந்தனா்.