திருத்தணி: தோ்தல் பணி வாக்குச்சாவடி அலுவலா்களுக்கு பயிற்சி

திருவள்ளூா் மாவட்டம், திருத்தணி, பூந்தமல்லி, ஆவடி, மதுரவாயல் ஆகிய சட்டப்பேரவைத் தொகுதிகளில் தோ்தல் பணியில் ஈடுபடும் வாக்குச்சாவடி தலைமை அலுவலா் உள்ளிட்ட அலுவலா்கள், பணியாளா்களுக்கான முதற்கட்டப் பயிற்சி வகுப்பை மாவட்டத் தோ்தல் அலுவலரும், ஆட்சியருமான பா.பொன்னையா ஞாயிற்றுக்கிழமை நேரில் ஆய்வு மேற்கொண்டாா்.

திருத்தணி சட்டப்பேரவைத் தொகுதியில் மொத்தம் 399 வாக்குச்சாவடிகள் உள்ளன. இதில், தோ்தல் நாளன்று திருத்தணி சட்டப்பேரவைத் தொகுதியில் உள்ள 4,037 அரசு ஊழியா்கள் பணியில் ஈடுபட உள்ளனா்.

இவா்களுக்கு முதல்கட்ட தோ்தல் பயிற்சி வகுப்பு திருத்தணி அருள்மிகு சுப்பிரமணிய சுவாமி அரசினா் கலைக் கல்லூரி மற்றும் தளபதி மகளிா் கல்லூரியில் ஞாயிற்றுக்கிழமை நடைபெற்றது.

இதில், மாவட்டத் தோ்தல் அலுவலா் பா.பொன்னையா பங்கேற்று, அரசு ஊழியா்களுக்கான பயிற்சி வகுப்பை தொடக்கி வைத்துப் பேசியது: தோ்தல் பணியில் வாக்குச்சாவடி தலைமை அலுவலா் உள்ளிட்ட அலுவலா்கள் மற்றும் பணியாளா்கள் மொத்தம் 23,528 போ் ஈடுபடுகின்றனா். அனைத்து வாக்குச் சாவடிகளிலும் 1,050 போ் வாக்குப் பதிவிட நடவடிக்கை எடுக்கப்பட்டு, கொரானா தடுப்பு நடவடிக்கையாக வெப்பம் கண்டறியும் கருவி, சானிடைசா், முகக் கவசங்கள் பயன்படுத்துல் மற்றும் கையுறைகள் விநியோகிக்கப்பட உள்ளது. காலை 7 மணி முதல் மாலை 7 மணி வரை வாக்குப் பதிவு நடைபெறும்.

தோ்தல் பணியில் ஈடுபடும் அனைத்து அலுவலா்கள் மற்றும் பணியாளா்களுக்கும் தோ்தல் ஆணையத்தின் வழிகாட்டுதலின்படி, தேவையான அனைத்துப் பயிற்சிகளும் வழங்கப்பட்டு, பாதுகாப்பான முறையில் தோ்தலை நடத்த அனைத்து நடவடிக்கைகளும் மேற்கொள்ளப்பட்டுள்ளது என்றாா்.

இப்பயிற்சிகளில் மாவட்ட ஆட்சியரின் நோ்முக உதவியாளா் முரளி, பூந்தமல்லி தோ்தல் நடத்தும் அலுவலரும், திருவள்ளூா் வருவாய் கோட்டாட்சியருமான ப்ரீத்தி பாா்கவி, திருத்தணி தோ்தல் நடத்தும் அலுவலரும், வருவாய்க் கோட்டாட்சியருமான சத்தியா, உதவித் தோ்தல் நடத்தும் அலுவலரும், பூந்தமல்லி வட்டாட்சியருமான சங்கா் மற்றும் அரசு அலுவலா்கள் கலந்து கொண்டனா்.