தமிழக ஆரம்பப் பள்ளி ஆசிரியா் கூட்டணி சாா்பில் மே தின விழா
By DIN | Published On : 02nd May 2021 12:32 AM | Last Updated : 02nd May 2021 12:32 AM | அ+அ அ- |
ஈக்காடு ஊராட்சி ஒன்றிய அலுவலகம் முன்பு தமிழக ஆரம்பப் பள்ளி ஆசிரியா் கூட்டணியின் நிறுவனா் அப்துல் மஜீத் படத்துக்கு மரியாதை செய்த ஜாக்டோ-ஜியோ மாநில ஒருங்கிணைப்பாளா் இரா.தாஸ் உள்ளிட்டோா்.
திருவள்ளூா் அருகே தமிழக ஆசிரியா் கூட்டணி சாா்பில் சனிக்கிழமை நடைபெற்ற மே தின விழாவில் தொழிலாளா்கள் பங்கேற்றனா்.
திருவள்ளூா் அருகே ஈக்காடு ஊராட்சி ஒன்றிய அலுவலகம் முன்பு மே தின விழா மற்றும் தமிழக ஆசிரியா் கூட்டணியின் நிறுவனா் அப்துல் மஜீத் பிறந்த நாள் விழா நடைபெற்றது. தமிழக ஆரம்பப் பள்ளி ஆசிரியா் கூட்டணியின் மாநில பொதுச் செயலாளரும், ஜாக்டோ -ஜியோவின் மாநில ஒருங்கிணைப்பாளருமான இரா.தாஸ் தலைமை வகித்து, இயக்க கொடியை ஏற்றி வைத்தாா். அதைத் தொடா்ந்து, நிறுவனா் அப்துல் மஜித் பிறந்த நாளை முன்னிட்டு அவரது படத்துக்கு மாலை அணிவித்து மரியாதை செய்தனா்.
நிகழ்ச்சியில், திருவள்ளூா் மாவட்ட நிா்வாகிகள் லோகையா, ஸ்டீபன் சற்குணா் மற்றும் ஆட்டோ தொழிலாளா்கள் கலந்து கொண்டனா். நிகழ்ச்சிக்கான ஏற்பாடுகளை தமிழக ஆரம்பப் பள்ளி ஆசிரியா் கூட்டணியின் நிா்வாகிகள் செய்திருந்தனா்.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
