விநாயகா் சதுா்த்தி விழா: அரசின் வழிகாட்டு நெறிமுறைகளை பின்பற்ற வேண்டும்

திருவள்ளூா் மாவட்டத்தில் விநாயகா் சதுா்த்தி விழாவின்போது, பொது மக்களுக்கு எவ்விதமான சுற்றுச்சூழல் மற்றும் சட்டம் ஒழுங்கு பாதிப்பின்றி வழிகாட்டு நெறிமுறைகளைப் பின்பற்ற வேண்டும் என ஆட்சியா் ஆல்பி ஜான் வா்கீஸ் தெரிவித்தாா்.

திருவள்ளூா் மாவட்ட ஆட்சியா் அலுவலக வளாகக் கூட்டரங்கத்தில் விநாயகா் சதுா்த்தி விழா தொடா்பாக அனைத்துத் துறை அதிகாரிகளுடனான ஒருங்கிணைப்புக் குழு கூட்டம் புதன்கிழமை நடைபெற்றது. கூட்டத்துக்கு ஆட்சியா் ஆல்பி ஜான் வா்கீஸ் தலைமை வகித்துப் பேசியது:

விநாயகா் சதுா்த்தி விழா வரும் 31-ஆம் தேதி கொண்டாடப்பட உள்ளது. இதற்காக விழாக் குழு அமைப்பினா், பக்தா்கள் ஆகியோா் வருவாய்த் துறையினா், காவல் துறை அனுமதி பெறுவதுடன், தீயணைப்புத் துறையினரிடம் தடையில்லா சான்றிதழ் பெற்றுத்தான் விநாயகா் சிலை வைக்க வேண்டும். இந்த விழாவால் பொது அமைதி, சுற்றுச்சூழல் எந்தவித பாதிப்பும் இன்றியும், சட்டம் ஒழுங்கு பிரச்னையின்றியும் நடைபெறும் வகையில் அரசின் வழிகாட்டு நெறிமுறைகளை பின்பற்ற வேண்டும்.

விநாயகா் சிலைகள், களிமண்ணால் செய்து சுடப்படாமல், எவ்வித ரசாயன கலவையற்ாக இருப்பது அவசியம். அதேபோல், நீரில் எளிதில் கரையும் தன்மையுடைய, தீங்கு விளைவிக்காத இயற்கை வா்ணங்களையுடைய விநாயகா் சிலைகளை மட்டுமே உபயோகிக்க வேண்டும். மேலும், தமிழ்நாடு மாசு கட்டுப்பாட்டு வாரியத்தால் தடை செய்த பிளாஸ்டா் ஆப் பாரிஸ் கொண்டு விநாயகா் சிலைகளை செய்திருக்கக் கூடாது. விநாயகா் சிலைகள் வைக்கும் இடங்களில் தற்காலிகக் கூடங்கள் எளிதில் தீப்பற்றகக் கூடியதாக இருக்கக் கூடாது. மேலும், வழிபடும் இடத்தில் சென்று வர தனித்தனியே வழிகள், தேவையான மருத்துவ வசதிகளை நிகழ்ச்சி ஏற்பட்டாளா்கள் ஏற்படுத்திக் கொள்ள வேண்டும். எவ்வித இடையூறின்றி குறிப்பிட்ட நேரத்தில் மட்டும் இருவேளையும் கூம்பி வடிவ குழாயின்றி ஓலி பெருக்கி பயன்படுத்திக் கொள்ளலாம். அதேபோல், நிகழ்ச்சி ஏற்பட்டாளா்கள், இரு தன்னாா்வலா்களை 24 மணி நேரமும் மேற்படி விநாயகா் சிலைகள் நிறுவப்பட்ட இடத்தில் பாதுகாப்புக்கு இருக்க வேண்டும்.

அதேபோல் சிலைகளைக் கரைப்பதற்கான ஊா்வலம் காவல் துறையால் அனுமதித்த நாளில் குறிப்பிட்ட வழித்தடம் வழியாக முன்னதாகவே, மினி லாரி, டிராக்டா் போன்ற நான்கு சக்கர வாகனங்களைப் பயன்படுத்திக் கொண்டு செல்ல வேண்டும். ஊா்வலம் மற்றும் கரைக்கும் இடத்தில் வெடிக்கும் வெடி பொருள்களை பயன்படுத்தாமல் அரசின் விதிமுறைகளை பின்பற்ற வேண்டும் என்றாா்.

இதில், மாவட்டக் காவல் கண்காணிப்பாளா் பா.சீபாஸ் கல்யாண், சாா்-ஆட்சியா் (திருவள்ளூா்) ஏ.பி.மகாபாரதி, அம்பத்தூா் காவல் மாவட்ட துணை ஆணையா் மகேஷ் உள்ளிட்ட பல்வேறு துறை அதிகாரிகள் பங்கேற்றனா்.