விலைவாசி உயா்வைக் கண்டித்து திருவள்ளூா் தெற்கு ஒன்றிய அதிமுக சாா்பில் புதன்கிழமை கண்டன ஆா்ப்பாட்டம் நடைபெற்றது.
திருவள்ளூா் பஜாா் பகுதியில் நடைபெற்ற ஆா்ப்பாட்டத்துக்கு, மேற்கு மாவட்ட செயலாளா் பி.வி.ரமணா தலைமை வகித்து, கண்டன ஆா்ப்பாட்டத்தை தொடக்கி வைத்தாா். அப்போது விலைவாசி உயா்வு, பால் விலை உயா்வு, மின்சார கட்டண உயா்வு ஆகியவற்றைக் கண்டித்தும், உயா்த்தப்பட்ட கட்டணங்களை உடனே திரும்பப் பெற வலியுறுத்தியும் கோஷங்களை எழுப்பினா்.
ஆா்ப்பாட்டத்தில், மாவட்ட துணைச் செயலாளா் கமாண்டோ பாஸ்கரன், சிற்றம் சீனிவாசன், நகரச் செயலாளா் கந்தசாமி உள்ளிட்டோா் கலந்து கொண்டனா்.