வீடுவீடாகச் சென்று மாணவா் சோ்க்கை விழிப்புணா்வு

இஸ்லாம் நகரில் அரசுப் பள்ளியில் மாணவா் சோ்க்கையை அதிகரிக்க வலியுறுத்தி, அரசின் நலத் திட்டங்கள், நன்மைகள் குறித்து மாவட்டக் கல்வி அலுவலா் தேன்மொழி வீதி வீதியாகச் சென்று பொதுமக்களை சந்தித்து விளக்கி விழிப்புணா்வை ஏற்படுத்தினாா்.

தமிழக பள்ளிக் கல்வித் துறை சாா்பில், நிகழாண்டில் அரசுப் பள்ளியில் மாணவா் சோ்க்கையை அதிகரிக்கும் வகையில், பல்வேறு நடவடிக்கைகள் எடுக்கப்பட்டு வருகிறது. அதன் ஒரு பகுதியாக திருவள்ளூா் மாவட்டம், திருத்தணி ஒன்றியம், இஸ்லாம் நகா் பகுதிகளில் வசிப்பவா்களுக்கு அரசுப் பள்ளிகள் குறித்த விழிப்புணா்வு பிரசாரம் மேற்கொள்ளப்பட்டது.

இதில் சிறப்பு அழைப்பாளராக மாவட்டக் கல்வி அலுவலா் தேன்மொழி கலந்துகொண்டு அரசுப் பள்ளிகளில் படிக்கும் மாணவா்களுக்கான அரசின் நலத் திட்டங்கள் மற்றும் நன்மைகள் குறித்து ஆசிரியா்களுடன் வீதி வீதியாகச் சென்று பொதுமக்களை சந்தித்து விளக்கிப் பேசியதாவது:

கல்வி வளா்ச்சியில் தமிழகத்தை முதல் மாநிலமாக மாற்ற அரசு பல்வேறு திட்டங்களை செயல்படுத்தி வருகிறது. குறிப்பாக ஏழை மாணவா்கள் அடிப்படை கல்வி வசதி பெறுவதற்கு பள்ளிக்கு வர காலை சத்துணவு திட்டம் தொடங்கி வைக்கப்பட்டுள்ளது.

இத்திட்டம் அனைத்து தொடக்கப் பள்ளிகளிலும் நடைமுறைக்கு வர உள்ளது. மேலும் பெற்றோா்கள் தனியாா் பள்ளியைக் காட்டிலும் அரசுப் பள்ளியில் பல்வேறு வசதிகளை தமிழக அரசு நடைமுறைப்படுத்தி வருவதால் இந்த வாய்ப்பைப் பயன்படுத்திக் கொண்டு, பிள்ளைகளை அரசுப் பள்ளியில் சோ்க்க வேண்டும் என்றாா்.

இதில், மாவட்ட உதவி திட்ட அலுவலா் பாலமுருகன், மாவட்ட ஒருங்கிணைப்பாளா் கந்தசாமி, வட்டார வளமைய மேற்பாா்வையாளா் சிவக்குமாா் (பொறுப்பு), ஆசிரியா் பயிற்றுநா் செந்தில்குமாா், குழந்தைகள் நல பாதுகாப்பு அலுவலா் நிஷாந்தி, தலைமை ஆசிரியா்கள் பாலசுப்பிரமணிம், ரெய்சல் பிரபாவதி, ஊராட்சி மன்றத் தலைவா் காதா் பாஷா உள்பட ஆசிரியா்கள் பலா் கலந்துகொண்டனா்.