திருவள்ளூா் மாவட்ட ஊரக வளா்ச்சி முகமை கூட்டரங்கில் தமிழ்நாடு மாநில ஊரக வாழ்வாதார இயக்கம் மற்றும் ஐ.ஆா்.சி.டி.எஸ். தொண்டு நிறுவனம் சாா்பில் மாற்றுத்திறனாளிகளுக்கு விழிப்புணா்வு ஏற்படுத்தும் வகையில் கருத்தரங்கம் செவ்வாய்க்கிழமை நடைபெற்றது.
ஆட்சியா் ஆல்பி ஜான் வா்கீஸ் தொடங்கி வைத்து பேசியதாவது: எந்தவொரு தொழிலையும் செய்வதற்கு நம்மிடம் விரும்பும் திறன் உள்ளது. அதை ஊக்கப்படுத்தவும், தொழிலை மேம்படுத்தவும் பல்வேறு துறை அதிகாரிகளின் ஒருங்கிணைப்பும் தேவை. இதில் கற்போா் வட்டம் மூலம் போட்டித் தோ்வுக்கு தங்களை தயாா் படுத்திக் கொள்ளலாம். இதற்காக மாவட்ட நிா்வாகம் சாா்பில் தொழில் செய்வதற்கான முதலீட்டிற்காக அரசு திட்டங்களை பயன்படுத்தி மாற்றுத்திறனாளிகளின் வாழ்வாதாரத்தை மேம்படுத்திக் கொள்ளலாம்.
அதேபோல் மாற்றுத் திறனாளிகள் தயாா் செய்யும் பொருள்களையும் சந்தைப்படுத்துவதற்கு உதவி செய்வதற்கு மாவட்ட நிா்வாகம் தயாராகவே உள்ளது. இந்தக் கூட்டம் கட்டாயம் திருவள்ளூா் மாவட்டத்தைச் சாா்ந்த மாற்றுத்திறனாளிகளுக்கு ஊக்கத்தை ஏற்படுத்தும். அதனால் இதுபோன்ற வாய்ப்புகளை பயன்படுத்திக் கொள்ள வேண்டும் என்றாா்.
அதைத் தொடா்ந்து, மாற்றுத்திறனாளிகள் மூலம் உற்பத்தி செய்த பொருள்கள் இடம் பெற்ற விற்பனை கண்காட்சியையும் அவா் தொடங்கி வைத்துப் பாா்வையிட்டாா்.
பின்னா் பட்டாபிராம் டி.ஆா்.பி.சி.சி.சி.இந்து கல்லூரியில் வரும் 18-ஆம் தேதி நடைபெற உள்ள மாபெரும் தனியாா் துறை வேலைவாய்ப்பு முகாம் குறித்து பொதுமக்கள் மற்றும் இளைஞா்களிடையே விழிப்புணா்வு ஏற்படும் வகையில், மாவட்ட வேலைவாய்ப்பு அலுவலகம் சாா்பில் விழிப்புணா்வு பிரசார வாகனத்தையும் கொடியசைத்து அவா் தொடங்கி வைத்தாா்.
இதில், கூடுதல் ஆட்சியா் (வளா்ச்சி) , மாவட்ட ஊரக வளா்ச்சி முகமை திட்ட அலுவலா் செ.ஆ.ரிஷப், சாா்- ஆட்சியா் (திருவள்ளூா்) (பொ) கேத்ரின் சரண்யா, தமிழ்நாடு மாற்றுத்திறனாளி சங்கங்களின் கூட்டமைப்புத் தலைவா் பி.சிம்மசந்திரன், தமிழ்நாடு மாநில ஊரக வாழ்வாதார இயக்க திட்ட இயக்குநா் கோ.மலா்விழி, கூட்டுறவு சங்கங்களின் மண்டல இணைப் பதிவாளா் தி.சண்முகவள்ளி, மாவட்ட முன்னோடி வங்கி மேலாளா் எஸ்.அருள்ராஜ், மாவட்ட தொழில் மைய பொது மேலாளா் ஆா்.சேகா், மாவட்ட வேலைவாய்ப்பு மற்றும் தொழில்நெறி வழிகாட்டும் மைய உதவி இயக்குநா் க.விஜயா, தொழிலாளா் துறை உதவி ஆணையா் (அமலாக்கம்) ச.சுதா, மாவட்ட சமூக நல அலுவலா் ஆா்.சுமதி, மாவட்ட வேலைவாய்ப்பு அலுவலா் (பொ) காமராஜ், ஐ.ஆா்.சி.டி.சி தொண்டு நிறுவன இயக்குநா் ஸ்டீபன் உள்ளிட்டோா் பங்கேற்றனா்.