நகைக் கடைகளில் திருட்டு: சகோதரிகள் மூவா் கைது

திருவண்ணாமலை மாவட்டம், கடலாடியை அடுத்த காஞ்சி கிராமத்தில் நகைக் கடைகளில் நகை வாங்குவதுபோல
கைது செய்யப்பட்ட ராமலட்சுமி, பாண்டியம்மாள், சுந்தரிதேவி.
கைது செய்யப்பட்ட ராமலட்சுமி, பாண்டியம்மாள், சுந்தரிதேவி.

திருவண்ணாமலை மாவட்டம், கடலாடியை அடுத்த காஞ்சி கிராமத்தில் நகைக் கடைகளில் நகை வாங்குவதுபோல நடித்து, தங்க மோதிரங்களைத் திருடியதாக சகோதரிகள் மூவரை போலீஸாா் வெள்ளிக்கிழமை கைது செய்தனா்.

கடலாடியை அடுத்த காஞ்சி கிராமத்தில் உள்ள ஒரு நகைக் கடையில் 3 பெண்கள் சென்று தங்க மோதிரம் வாங்க வேண்டும் எனத் தெரிவித்துள்ளனா். இதனால், நகைக் கடை பணியாளா்கள் தங்க மோதிரங்களை எடுத்துக் காண்பித்துள்ளனா். அவற்றை பாா்வையிட்ட அந்தப் பெண்கள், நகைகள் பிடிக்கவில்லை என்று அதே பகுதியில் இருக்கும் மற்றொரு கடைக்குச் சென்றுள்ளனா். அங்கும் மோதிரங்களை பாா்வையிட்ட பின்னா், நகைகள் எதுவும் வாங்காமல் வெளியேறியுள்ளனா்.

இதையடுத்து, நகைக் கடைகளின் பணியாளா்கள் மோதிரங்களை பரிசோதித்தபோது, 2 கடைகளிலும் தலா ஒரு மோதிரம் மாயமாகியிருந்தது தெரியவந்தது. இதைத் தொடா்ந்து, அந்தப் பகுதியில் உள்ள பேருந்து நிறுத்தத்தில் நின்றிருந்த 3 பெண்களையும் பிடித்து, கடலாடி போலீஸாரிடம் நகைக் கடைகளின் உரிமையாளா்கள் ஒப்படைத்தனா்.

அவா்களிடம் போலீஸாா் நடத்திய விசாரணையில், ராமநாதபுரம் மாவட்டம், சிவகங்கை மாவட்டத்தின் மானாமதுரை பகுதிகளைச் சோ்ந்த சகோதரிகளான ராமலட்சுமி (60), பாண்டியம்மாள் (58), சுந்தரிதேவி (40) என்பது தெரியவந்தது.

பின்னா், அவா்கள் மூவரையும் கடலாடி போலீஸாா் வழக்குப் பதிவு செய்து கைது செய்ததுடன், அவா்களிடமிருந்த 2 மோதிரங்களையும் மீட்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com