தோ்தல் ஆலோசனைக் கூட்டம்: அமைச்சா் முன்னிலையில் அதிமுகவினா் வாக்குவாதம்

திருவண்ணாமலையில் புதன்கிழமை உள்ளாட்சித் தோ்தல் தொடா்பாக நடைபெற்ற அதிமுக ஆலோசனைக் கூட்டத்தில், அமைச்சா் முன்னிலையில் கட்சியினா் வாக்குவாதத்தில் ஈடுபட்டதால் பரபரப்பு ஏற்பட்டது.

திருவண்ணாமலையில் உள்ள அதிமுக தெற்கு மாவட்ட அலுவலகத்தில் புதன்கிழமை நகர நிா்வாகிகள் பங்கேற்ற ஆலோசனைக் கூட்டம் நடைபெற்றது.

உள்ளாட்சித் தோ்தலையொட்டி நடைபெற்ற இந்தக் கூட்டத்தில், இந்து சமய அறநிலையத் துறை அமைச்சா் சேவூா் எஸ்.ராமச்சந்திரன் கலந்து கொண்டு நிா்வாகிகள் தோ்தலை எவ்வாறு எதிா்கொள்ள வேண்டும் என்று அறிவுரை வழங்கிப் பேசிக்கொண்டிருந்தாா்.

அப்போது, திடீரென சிலா் எழுந்து நகராட்சியில் நடைபெறும் ஒப்பந்தப்புள்ளிகளை குறிப்பிட்ட சிலருக்கு மட்டுமே தருகிறீா்கள். மீதமுள்ள ஒப்பந்தப்புள்ளிகளை திமுகவினருக்கு வழங்குகிறீா்கள். அதிமுக நிா்வாகிகள் அனைவருக்கும் வேலையைப் பிரித்து வழங்க வேண்டும் என்று கூறி கூச்சலிட்டனா். இதனால் சலசலப்பு ஏற்பட்டது.

இதையடுத்து அமைச்சா் சேவூா் எஸ்.ராமச்சந்திரனுடன் வந்திருந்த கட்சியினா் சிலா் பதிலுக்கு குரல் கொடுத்ததால், இரு தரப்பினருக்கும் இடையே கடும் வாக்குவாதம் ஏற்பட்டது. இதனால் சிறிது நேரம் கூட்டத்தில் பரபரப்பு நிலவியது.

முன்னதாக, அமைச்சா் சேவூா் எஸ்.ராமச்சந்திரன் பேசுகையில், உள்ளாட்சித் தோ்தலில் போட்டியிடும் வேட்பாளா்களை கட்சியினா் பரிந்துரை செய்ய வேண்டும். நிா்வாகிகள் ஒற்றுமையோடு செயல்பட்டு இடைத்தோ்தலில் திமுகவுக்கு தக்க பாடம் புகட்டியது போலவே, உள்ளாட்சித் தோ்தலிலும் திமுகவுக்கு மரண அடி கொடுக்க வேண்டும் என்றாா்.

கூட்டத்தில், முன்னாள் அமைச்சா் எஸ்.ராமச்சந்திரன், மாவட்ட துணைச் செயலா் அமுதா அருணாசலம், மாவட்ட எம்ஜிஆா் இளைஞரணிச் செயலா் எஸ்.குணசேகரன், மாவட்ட ஜெயலலிதா பேரவைச் செயலா் பீரங்கி ஜெ.வெங்கடேசன், மாவட்ட மாணவரணிச் செயலா் சத்ய.வி.சிவகுமாா், நகரச் செயலா் ஜெ.செல்வம் உள்பட பலா் கலந்து கொண்டனா்.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...