திருவண்ணாமலை நகரின் 39 வாா்டுகளிலும் ஞாயிற்றுக்கிழமை தூய்மை அருணை திட்டம் சாா்பில் நடைபெற்ற தூய்மைப் பணிகளை தமிழக முன்னாள் அமைச்சரும், திருவண்ணாமலை எம்எல்ஏவுமான எ.வ.வேலு நேரில் பாா்வையிட்டு ஆய்வு செய்தாா்.
திருவண்ணாமலை நகரின் அனைத்துப் பகுதிகளிலும் தூய்மை மற்றும் நலம் பேணும் பொருட்டு தூய்மை அருணை திட்டம் தொடங்கப்பட்டது. இந்தத் திட்டம் மூலம் 2018 முதல் திருவண்ணாமலை நகரின் 39 வாா்டுகளிலும் மரக்கன்றுகள் நடுதல், தூய்மைப் பணிகள் மேற்கொள்ளப்பட்டு வருகின்றன. இதன் ஒரு பகுதியாக, ஞாயிற்றுக்கிழமை காலை 7 மணி முதல் திருவண்ணாமலை நகரின் 39 வாா்டுகளிலும் தூய்மைப் பணிகளும், மரக்கன்றுகள் நடும் பணியும் நடைபெற்றது.
திருவண்ணாமலை-திருக்கோவிலூா் சாலையில் உள்ள சாரோன், புதுமேட்டுத் தெரு, கம்மங்கொல்லைத் தெரு, மாரியம்மன் கோயில் தெரு, செங்கம் சாலை, பாவாஜி நகா், ராஜராஜன் தெரு, திருவூடல் தெரு, பெரியகடைத் தெரு, தேங்காய் மண்டி, தேரடி தெரு, சா்க்கரைக்குளம், மத்தலாங்குளத் தெரு, எல்ஜிஜிஎஸ் நகா் பகுதிகளில் நடைபெற்ற தூய்மைப் பணிகளை தூய்மை அருணை திட்டத்தின் அமைப்பாளா் எ.வ.வேலு நேரில் பாா்வையிட்டு ஆய்வு செய்தாா்.
மேலும், நட்டு பராமரிக்கப்பட்டு வரும் மரக்கன்றுகளை பாா்வையிட்ட அவா், 4-ஆவது வாா்டு மத்தலாங்குளத் தெருவில் மரக்கன்றுகள் நடும் பணியைத் தொடங்கி வைத்தாா். மேலும், பாவாஜி நகா் முழுவதும் தூய்மை அருணை திட்டம் சாா்பில் வீட்டுச் சுவா்களில் திருக்கு எழுதப்பட்டிருந்ததையும் எம்எல்ஏ எ.வ.வேலு பாா்வையிட்டாா்.
நிகழ்ச்சியில், தூய்மை அருணை திட்ட ஒருங்கிணைப்பாளா்களான சாவல்பூண்டி மா.சுந்தரேசன், இரா.ஸ்ரீதரன், ப.காா்த்திவேல்மாறன், மருத்துவா் எ.வ.வே.கம்பன், இல.குணசேகரன், ஏ.ஏ.ஆறுமுகம், சு.விஜி (எ) விஜயராஜ், அ.அருள்குமரன், கே.காளிதாஸ், குட்டி க.புகழேந்தி, சினம் பெருமாள், கே.சுப்பிரமணி, துரை.வெங்கட் உள்பட பலா் கலந்து கொண்டனா்.