பொங்கல் பரிசுத் தொகுப்பு வழங்கும் விழா

திருவண்ணாமலை மாவட்டத்தில் உள்ள நியாய விலைக் கடைகளில் தகுதி வாய்ந்த குடும்ப அட்டைகளுக்கு பொங்கல் பரிசுத் தொகுப்பு விநியோகம் வியாழக்கிழமை தொடங்கியது.

வந்தவாசி வேளாண்மை உற்பத்தியாளா் கூட்டுறவு விற்பனை சங்கத்துக்கு உள்பட்ட நியாய விலைக் கடைகளில் பொங்கல் பரிசுத் தொகுப்பு வழங்கும் விழா நடைபெற்றது.

விழாவுக்கு சங்கத் தலைவா் எம்.பாஷா தலைமை வகித்தாா். சங்கச் செயலா் காலேஷா வரவேற்றாா்.

அதிமுக மாவட்ட அவைத் தலைவா் டி.கே.பி.மணி, குடும்ப அட்டைதாரா்களுக்கு பொங்கல் பரிசுத் தொகுப்பை வழங்கினாா்.

இதில், ஆயிரம் ரூபாய் மற்றும் ஒரு கிலோ பச்சரிசி, ஒரு கிலோ சா்க்கரை, இரண்டு அடி நீள கரும்புத் துண்டு, முந்திரி, திராட்சை, ஏலக்காய் ஆகியவை வழங்கப்பட்டன.

அதிமுக எம்ஜிஆா் மன்ற மாவட்டத் தலைவா் ஜெ.பாலு, பேரவை மாவட்டச் செயலா் கே.பாஸ்கா் மற்றும் அன்னபூரணி விஜய் உள்ளிட்டோா் பங்கேற்றனா்.

ஆரணி

ஆரணியில் உள்ள கற்பகம் கூட்டுறவு கடைகளான திருவள்ளுவா் தெரு கடை, இராமகிருஷ்ணாபேட்டை கடை, கிருஷ்ணா தியேட்டா் அருகேயுள்ள கூட்டுறவு கடை, ஷராப் பஜாா் தெருவில் உள்ள கூட்டுறவு கடை, பழைய காவல் நிலையம் தெருவில் உள்ள கடை, விநாயகா் கோவில் தெருவில் உள்ள கடை என 6 கடைகளில் பொங்கல் தொகுப்பு வழங்கும் விழா நடைபெற்றது.

இதில் மாவட்ட நுகா்வோா் கூட்டுறவு மொத்த விற்பனை பண்டக சாலைத் தலைவா் ஜி.வி.கஜேந்திரன் கலந்துகொண்டு பொங்கல் பரிசுத் தொகுப்பு விநியோகத்தை தொடக்கிவைத்தாா்.

போளூா்

கலசப்பாக்கத்தை அடுத்த பாடகம் ஊராட்சியில் பொதுவிநியோகக் கடை உள்ளது. இந்தக் கடையில் பொங்கல் பரிசுத் தொகுப்பு விநியோகத்தை ஊராட்சி மன்றத் தலைவா் கே.பழனி தொடக்கிவைத்தாா்.

ஊராட்சி மன்ற உறுப்பினா்கள், ஊா் முக்கியப் பிரமுகா்கள் கலந்துகொண்டனா்.

போளூா் தொடக்க வேளாண்மைக் கூட்டுறவு கடன் சங்கம் சாா்பில், செங்குணம் ஊராட்சியில் உள்ள பொது விநியோகக் கடையில் உள்ள 500-க்கும் மேற்பட்ட குடும்ப அட்டைதாரா்களுக்கு பொங்கல் பரிசுத் தொகுப்பு விநியோகத்தை சங்கத் தலைவா் எஸ்.கே.ராமமூா்த்தி தொடக்கிவைத்தாா்.

இதேபோன்று, போளூா், செங்குணம், வசூா், குண்ணத்தூா், காந்திநகா், வெண்மணி என 6 பொது விநியோகக் கடைகளில் மொத்தம் 8,418 குடும்ப அட்டைதாரா்களுக்கு பொங்கல் பரிசுத் தொகுப்பு வழங்கப்பட்டது.

சங்க துணைத் தலைவா் காசி, சங்க நிா்வாகக் குழு உறுப்பினா்கள் அண்ணாமலை, சுகுமாறன், ராமமூா்த்தி, புவனா, காசியம்மாள்,பிரகாஷ், குமரன், வில்வநாதன், ரேணுகாம்பாள், சங்கச் செயலா் செல்வம் ஆகியோா் கலந்துகொண்டனா்.

செங்கம்

செங்கத்தை அடுத்த பக்கிரிபாளையம் தொடக்க வேளாண்மைக் கூட்டுறவு கடன் சங்கத்தில் பொங்கல் பரிசுத் தொகுப்பை குடும்ப அட்டைதாரா்களுக்கு வழங்கிய சங்கத்தின் தலைவா் சந்திராதனஞ்செயன் வழங்கினாா்.