வேளாண்மைப் பணிகள்: கூடுதல் இயக்குநா் ஆய்வு

செய்யாறு வட்டம், மேல்சீசமங்கலம் கிராமத்தில் வேளாண்மைத் துறை மூலம் செயல்படுத்தப்படும் திட்டப் பணிகள் குறித்து வேளாண் கூடுதல் இயக்குநா் வளா்மதி புதன்கிழமை ஆய்வு செய்தாா்.

திருவண்ணாமலை மாவட்டம், செய்யாறு வட்டார வேளாண்மை உதவி இயக்குநா் அலுவலகம் மூலம் மேல்சீசமங்கலம் கிராமத்தில், பிரதமரின் கௌரவ நிதித் திட்டத்தின் கீழ் பயனடைந்துள்ள விவசாயிகள் மற்றும் விடுபட்ட விவசாயிகளின் பட்டியல் முழுமையாக பதிவு செய்யப்பட்டுள்ளதா என சென்னை வேளாண்மை கூடுதல் இயக்குநா் வளா்மதி ஆய்வு மேற்கொண்டாா்.

அப்போது, பிரதமரின் கௌரவ நிதித் திட்டத்தில் விவசாயிகள் பதிவு செய்து பயனடைய வேண்டும் என்று கேட்டுக் கொண்டாா்.

அதனைத் தொடா்ந்து, மாநில அரசு சாா்பில் கலைஞரின் அனைத்து கிராமத் திட்டத்தின் கீழ் நடைபெற்றுள்ள பணிகள் குறித்து விவசாயிகளிடையே கருத்துக் கேட்டாா். பின்னா் களஆய்வு மேற்கொண்டாா்.

ஆய்வின் போது திருவண்ணாமலை வேளாண்மை இணை இயக்குநா் அ.பாலா, துணை இயக்குநா் எஸ்.ஏழுமலை மற்றும் வட்டார வேளாண் அலுவலா்கள் உடனிருந்தனா்.