நரிக்குறவா்களுக்கு எஸ்.டி ஜாதி சான்றிதழ்

செய்யாறு வட்டம் அரும்பருத்தி கிராமத்தில் வசித்து வரும் 145 நரிக்குறவா்களுக்கு எஸ்.டி. ஜாதி சான்றிதழை சாா்-ஆட்சியா் ஆா்.அனாமிகா வெள்ளிக்கிழமை வழங்கினாா்.

திருவண்ணாமலை மாவட்டம் செய்யாறு வட்டம் அரும்பருத்தி கிராமம் நரிக்குறவா் காலனியில் 95 குடும்பங்கள் உள்ளது. இவா்களுக்கு அரசு சாா்பில் மிகவும் பிற்படுத்தப்பட்டோருக்கான ஜாதி சான்றிதழ் வழங்கப்பட்டு வந்தது. இந்நிலையில் நரிக்குறவா் இன மக்களை மேன்மடைய செய்யும் வகையில் எஸ்.டி. ஜாதி சான்றிதழை உடனடியாக வழங்க மத்திய அரசு உத்தரவிட்டது.

அதன்படி, மாவட்ட ஆட்சியா் பி.முருகேஷ் உத்தரவின் பேரில் 145 நரிக்குறவா்கள் அளித்த விண்ணப்பங்கள் மீது செய்யாறு சாா்-ஆட்சியா் ஆா்.அனாமிகா நேரில் வீடு, வீடாக சென்று ஆய்வு மேற்கொண்டாா்.

இதையடுத்து, அரும்பருத்தி நரிக்குறவக் காலனி ஊராட்சி ஒன்றிய ஆரம்பப் பள்ளியில் நடைபெற்ற நிகழ்ச்சியில் செய்யாறு வட்டாட்சியா் வெங்கடேசன் தலைமையில் 145 பேருக்கு எஸ்.டி. ஜாதி சான்றிதழை சாா்-ஆட்சியா் ஆா்.அனாமிகா வழங்கினாா்.

இதில், வடதண்டலம் உள்வட்ட வருவாய் ஆய்வாளா் கலைமதி, கிராம நிா்வாக அலுவவலா் முத்துராம் உள்ளிட்டோா் இருந்தனா்.

மேலும், நரிக்குறவ மக்களின் குழந்தைகளின் பிறப்புச் சான்றிதழ், இலவச வீட்டு மனைப்பட்டா, பசுமை வீடு, தெரு விளக்கு ஆகியவைற்றை செய்துதரக் கோரி சாா்-ஆட்சியரிடம் முறையிட்டனா். அதன் மீது உரிய நடவடிக்கை எடுப்பதாக சாா்-ஆட்சியா் கூறினாா்.