சேராம்பட்டு எல்லையம்மன் கோயில் உண்டியல் காணிக்கை ரூ.4 லட்சம்

திருவண்ணாமலை மாவட்டம், செய்யாறு வட்டம், சேராம்பட்டு கிராமத்தில் அமைந்துள்ள ரேணுகாம்பாள் ( எ) எல்லையம்மன் கோயிலில் 4 மாத உண்டியல் காணிக்கையாக பக்தா்கள் ரூ.4.04 லட்சத்தை செலுத்தியிருந்தது தெரியவந்தது.

இந்து சமய அறநிலையத் துறை கட்டுப்பாட்டில் உள்ள இந்தக் கோயிலில் கடந்த 09.11.22 அன்று உண்டியல் காணிக்கை எண்ணப்பட்டது. தொடா்ந்து, 4 மாதங்களுக்குப் பிறகு, வெள்ளிக்கிழமை கோயிலில் உள்ள நிரந்தர, தற்காலிக உண்டியல்கள் திறக்கப்பட்டு காணிக்கை எண்ணப்பட்டதில் மொத்தம் ரூ.4,04,060-ஐ பக்தா்கள் காணிக்கையாக செலுத்தியிருந்தது தெரியவந்தது.

காணிக்கை எண்ணும் பணியை அறநிலையத் துறை ஆய்வா்கள் ப.முத்துசாமி, இரா.நடராஜன், செயல் அலுவலா் ஹரிஹரன்,

கணக்காளா் லோ.ஜெகதீசன், ஊராட்சி மன்றத் தலைவா் எஸ்.கே.குப்புசாமி உள்ளிட்டோா் மேற்பாா்வையிட்டனா். மேலும், செய்யாறு போலீஸ் பாதுகாப்புடன் விடியோ பதிவும் செய்யப்பட்டது.