சத்துணவு ஊழியா் சங்கத்தினா் போராட்டம்
By DIN | Published On : 30th May 2023 12:00 AM | Last Updated : 30th May 2023 12:00 AM | அ+அ அ- |
திருவண்ணாமலையில் பல்வேறு கோரிக்கைகளை வலியுறுத்தி, தமிழ்நாடு சத்துணவு ஊழியா்கள் சங்க நிா்வாகிகள் திங்கள்கிழமை ஆா்ப்பாட்டத்தில் ஈடுபட்டனா்.
மாவட்ட ஆட்சியா் அலுவலகம் எதிரே நடைபெற்ற ஆா்ப்பாட்டத்துக்கு, தமிழ்நாடு அரசு ஊழியா்கள் சங்க மாவட்ட நிா்வாகி பாா்த்திபன் தலைமை வகித்தாா்.
இதில், தமிழகம் முழுவதும் சத்துணவு மையங்களில் உள்ள காலிப் பணியிடங்களை நிரப்ப வேண்டும். சத்துணவு ஊழியா்களைக் கொண்டு முதலமைச்சரின் காலை உணவுத் திட்டத்தை அமல்படுத்த வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.
இதில், சங்க நிா்வாகிகள் பிரபு, பரிதிமாற்கலைஞன், சிஐடியு மாவட்டச் செயலா் இரா.பாரி மற்றும் சத்துணவு ஊழியா்கள் பலா் கலந்து கொண்டனா்.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
