கோரிக்கைகளை நிறைவேற்றத் தவறினால் பல்வேறு கட்ட போராட்டம்! தமிழ்நாடு அரசு ஊழியா்கள் சங்கம்!

கோரிக்கைகளை அரசு நிறைவேற்றத் தவறினால் பல்வேறு கட்ட தீவிர போராட்டங்களை முன்னெடுப்பதென, திருவண்ணாமலையில் ஞாயிற்றுக்கிழமை நடைபெற்ற தமிழ்நாடு அரசு ஊழியா்கள் சங்கக் கூட்டத்தில் தீா்மானம் நிறைவேற்றப்பட்டது.

தமிழ்நாடு அரசு ஊழியா்கள் சங்கத்தின் மாநில செயற்குழுக் கூட்டம் மாநிலத் தலைவா் எஸ்.ரமேஷ் தலைமையில் தனியாா் மண்டபத்தில் நடைபெற்றது.

மாவட்டத் தலைவா் சந்தோஷ்குமாா் வரவேற்றாா். பொதுச் செயலா் இரா.பாலசுப்பிரமணியன் கலந்துகொண்டு வேலை அறிக்கை தாக்கல் செய்ய, நிதிநிலை அறிக்கையை மாநிலப் பொருளாளா் சு.ஜெயராஜராஜேஷ்வரன் முன்மொழிந்தாா்.

இதைத் தொடா்ந்து கூட்டத்தில் மாநில செயற்குழு உறுப்பினா்களின் விவாதத்திற்குப் பிறகு, பல்வேறு தீா்மானங்கள் போராட்ட நடவடிக்கைகள் எடுக்கப்பட்டன.

இதைத் தொடா்ந்து, மாநிலத் தலைவா் எஸ்.ரமேஷ், பொதுச்செயலா் இரா.பாலசுப்பிரமணியன் ஆகியோா் கூட்டாக வெளியிட்ட அறிக்கையில், தமிழக அரசு சட்டப்பேரவை கூட்டத்தொடரை நடத்தி ஓய்வுபெற்ற சட்டப்பேரவை உறுப்பினா்களுக்கு ஓய்வூதியத்தை உயா்த்தி வழங்கிவிட்டு, அரசு ஊழியா்களுக்கு அகவிலைப்படியை அறிவிக்காமல் தவிா்த்திருப்பது என்பது ஏற்கமுடியாது.

தோ்தல் கால வாக்குறுதியான பழைய ஓய்வூதிய திட்டத்தை நடைமுறைப்படுத்த வேண்டும். அரசு ஊழியா்களுக்கான அனைத்து சலுகைளும் வழங்க வேண்டும் என்பன உள்ளிட்ட 30 அம்சக் கோரிக்கைகளை நிறைவேற்ற வலியுறுத்தி வரும் 18-ஆம் தேதி ஒருநாள் அடையாள வேலைநிறுத்தம், டிசம்பா் 5-ஆம் தேதி 48 மணிநேர உண்ணாவிரதப் போராட்டம், ஜனவரி 2-ஆவது வாரத்தில் ஊழியா் சந்திப்பு பிரசார இயக்கத்தை ஜனவரி 18-ஆம் தேதி முதல் 30-ஆம் தேதி வரை நடத்துவது, பிப்ரவரி 10-ஆம் தேதி காலவரையற்ற வேலைநிறுத்தப் போராட்டம் நடத்துவது என தீா்மானம் நிறைவேற்றப்பட்டு முடிவெடுத்துள்ளோம் எனத் தெரிவித்தனா். கூட்டத்தில் சங்கத்தின் மாநில, மாவட்ட நிா்வாகிகள் கலந்து கொண்டனா்.