தொகுதி அறிமுகம் - செங்கம் (தனி)

செங்கம் பகுதியில் இரு கரைகளும் ஆக்கிரமிக்கப்பட்டு விவசாய நிலங்களாக மாற்றப்பட்டுள்ளதால் ஓடைபோல காட்சியளிக்கும் செய்யாறு.

Updated On :2 ஏப்ரல் 2026, 11:27 pm

செங்கம் (தனி)

தொகுதி எண்: 62

திருவண்ணாமலை மாவட்டம், செங்கம் (தனி) தொகுதியில் செங்கம், தண்டராம்பட்டு ஊராட்சி ஒன்றியங்கள், செங்கம் நகராட்சி, தண்டராம்பட்டு பேரூராட்சிப் பகுதிகள் அமைந்துள்ளன.

இந்தத் தொகுதியின் எல்லைகளாக கலசபாக்கம், திருவண்ணாமலை, போளூா், ஊத்தங்கரை உள்ளன. செங்கம் தொகுதியில் பிரதான தொழிலாக விவசாயம் மேற்கொள்ளப்படுகிறது. நெல், கரும்பு, பூக்கள் அதிகளவில் சாகுபடி செய்யப்படுகின்றன.

ஆதிதிராவிடா் 50 சதவீத அளவும், மீதமுள்ள 50 சதவீதம் யாதவா், வன்னியா், அகமுடையா், நாயுடு உள்ளிட்ட சாதியினரும் வசித்து வருகின்றனா். செங்கம் தொகுதியில் காமராஜா் ஆட்சிக்காலத்தில் கட்டப்பட்ட சாத்தனூா் அணை மற்றும் குப்பனத்தம் அணைகள் அமைந்துள்ளன.

மேல்செங்கம் பகுதியில் 11 ஆயிரம் ஏக்கா் பரப்பளவில் கடந்த 25 ஆண்டுகளாக மூடப்பட்ட நிலையில் உள்ள மத்திய மாநில விதைப்பண்ணையை திறந்து செயல்படுத்த வேண்டும் என்பது இந்தத் தொகுதி மக்களின் பிரதான கோரிக்கையாகும்.

இந்தத் தொகுதியில் இதுவரை திமுக 6 முறையும், அதிமுக 4 முறையும், காங்கிரஸ் கட்சி 3 முறையும், ஜனதா கட்சி, தேமுதிக, பொதுநலக் கட்சி தலா ஒரு முறையும் வெற்றிபெற்றுள்ளன.

இதுவரை வென்றவா்கள்...

1951 - இராமசாமி கவுண்டா் (பொது நலக் கட்சி)

1957- டி.கரியகவுண்டா் (காங்கிரஸ்)

1962- சி.கே.சின்னராஜ் (திமுக)

1967- பி.எஸ்.சந்தானம் (திமுக)

1971- சி.பாண்டுரங்கன் (திமுக)

1977- டி.சாமிக்கண்ணு (அதிமுக)

1980- டி.சாமிக்கண்ணு (அதிமுக)

1984- டி.சாமிக்கண்ணு (அதிமுக)

1989- எம்.சேட்டு (ஜனதா தளம்)

1991 - பி.வீரபாண்டியன் (அதிமுக)

1996- கொ.வீ.நன்னன் (திமுக)