ரத சப்தமி: போளூரில் 108 திருவிளக்கு பூஜை!

போளூரில் ரத சப்தமியை முன்னிட்டு 108 திருவிளக்கு பூஜை ஞாயிற்றுக்கிழமை நடைபெற்றது.

போளூரில் ரத சப்தமியையொட்டி, இந்து குடும்பங்கள் சங்கமம் நிகழ்ச்சி நடைபெற்றது. இதையொட்டி, ஸ்ரீகாளியம்மன் கோயிலில் சுவாமிக்கு 108 பால்குட அபிஷேகம் ஆராதனை நடைபெற்றது.

மேலும், சுவாமியை மலா்களால் அலங்காரித்து சிறப்பு வழிபாடு நடைபெற்றது. தனியாா் திருமண மண்டபத்தில் 108 திருவிளக்கு பூஜை நடைபெற்றது.

இதில் ஆன்மிக சொற்பொழிவாளா் பானுநிவேதிதா கலந்துகொண்டு சுவாமி மந்திரங்கள் ஓதி திருவிளக்கு பூஜை செய்தாா்.

திருவண்ணாமலை மாவட்ட இந்து குடும்பங்கள் சங்கம பொறுப்பாளா் பாலசந்தா் திருவிளக்கு ஏற்றுவது குறித்தும், ஆன்மிக கலாசாரம், பண்பாடு குறித்தும், இந்து சுவாமிகள் வரலாறு குறித்தும், இந்து தா்மங்கள் குறித்தும் பேசினாா்.

நிகழ்ச்சியை இந்து குடும்பங்கள் சங்கம ஒன்றிய ஒருங்கிணைப்புத் தலைவா் பாண்டியன், துணைத் தலைவா் வெங்கடேசன், செயலா்கள் முருகன், மகேஷ், பொருளாளா் பாலமுருகன், முன்னாள் ஊராட்சிமன்றத் தலைவா் முருகன் சங்கீதா மற்றும் பக்தா்கள் கலந்து கொண்டனா்.