முன்விரோதம்: திமுக நிா்வாகி மீது தாக்குதல்

செய்யாறு அருகே முன்விரோதம் காரணமாக திமுக நிா்வாகியை தாக்கியதாக இருவா் மீது போலீஸாா் வழக்குப் பதிந்து விசாரணை நடத்தி வருகின்றனா்.

செய்யாறு வட்டம், கோவிலூா் கிராமம் பெருமாள் கோவில் தெருவைச் சோ்ந்தவா் வெங்கடேசன்(39). இவா், அனக்காவூா் மேற்கு ஒன்றிய திமுக இளைஞா் அணி அமைப்பாளராக இருந்து வருகிறாா்.

அதே ஊரைச் சோ்ந்தவா் விநாயகம் மனைவி நித்யா. இவா், அங்குள்ள தொடக்கப் பள்ளியில் காலை சிற்றுண்டி சமையலராக பணிபுரிந்து வந்துள்ளாா். சமையலராக பணிபுரிந்து வந்தவரை அதிகாரிகள் உதவியாளராக பணி மாற்றம் செய்ததாகத் தெரிகிறது.

இதற்கு, வெங்கடேசன் காரணம் என்று கருதி, கடந்த 25-ஆம் தேதி

அரசு மேல்நிலைப் பள்ளி அருகே இருந்த அவரை, அதேபகுதியைச் சோ்ந்த சந்தோஷ்குமாா், நித்யா ஆகியோா் அவதூறாகப் பேசி

கருங்கல்லால் தலையில் தாக்கியதாகத் தெரிகிறது.

இதனால் காயமடைந்த அவா் மருத்துவமனையில் சிகிச்சை பெற்றாா்.

இதுகுறித்து அவா் அளித்த புகாரின் பேரில், அனக்காவூா் போலீஸாா் புதன்கிழமை சந்தோஷ்குமாா், நித்யா ஆகியோா் மீது வழக்குப் பதிந்து விசாரணை நடத்தி வருகின்றனா்.