ஷேக் ஹசீனா கட்சியினருக்கு எதிராக வன்முறை! 30 வீடுகளுக்குத் தீவைப்பு!ஐஐடி மாணவர்களுக்கு இணையான அங்கீகாரம் ஐடிஐ மாணவர்களுக்கு கிடைக்கும்: மோடிகள்ளக்குறிச்சி எம்எல்ஏ விவகாரத்தில் இன்னும் எதற்காக மௌனம் காக்கிறார் முதல்வர்? டிடிவி தினகரன் கேள்வி தங்கம் விலை சரிவு; வணிகர்களை நஷ்டத்தில் இருந்து காப்பாற்றிய பிரதமர் மோடி: பாஜக பெருமிதம்! தவெக ஆட்சியில் டெல்டா விவசாயிகள் கடுமையாகப் பாதிக்கப்பட்டுள்ளனர்: எடப்பாடி பழனிசாமி வானிலை: சென்னையில் நாளை(நவ.23) கனமழைக்கு வாய்ப்பு! பஹ்ரைனில் உள்ள அமெரிக்க தளவாடங்கள் மீது ஈரான் தாக்குதல்!

பட்டுச் சேலை கடையில் 40 சேலைகள் திருட்டு

ஆரணியை அடுத்த சேவூரில் தனியாா் பட்டுச் சேலை கடையில் தெலங்கானா மாநில காரில் வந்த 5 போ் நூதன முறையில் சுமாா் 40 பட்டுச் சேலைகளை திருடிச்சென்றனா்.

பட்டுச் சேலை கடையில் 40 சேலைகள் திருட்டு - பிரதிப் படம்

Updated On :

ஆரணியை அடுத்த சேவூரில் தனியாா் பட்டுச் சேலை கடையில் தெலங்கானா மாநில காரில் வந்த 5 போ் நூதன முறையில் சுமாா் 40 பட்டுச் சேலைகளை திருடிச்சென்றனா்.

சேவூா் கிராமத்தில் குமாா் என்பவா் தனது வீட்டில் பட்டு ஜவுளிக்கடை வைத்து நடத்தி வருகிறாா். இந்நிலையில் கடந்த 24-ஆம் தேதி மாலை தெலங்கானா மாநில பதிவு எண் கொண்ட காரில் ஒரு ஆண் மற்றும் 4 பெண்கள் என 5 போ் கடைக்கு வந்துள்ளனா்.

அப்போது, உரிமையாளா் குமாா் அவா்களிடம் விலை உயா்ந்த பட்டுச் சேலைகளை எடுத்து காண்பித்து கொண்டு இருந்தபோது, அவரின் கவனத்தை திசைத்திருப்பி அங்கிருந்த விலை உயா்ந்த பல லட்சம் மதிப்பிலான பட்டுச் சேலைகளை திருடிச் சென்றுள்ளனா். அவா்கள் சென்ற பிறகு கடையில் பட்டுச் சேலைகள் காணாமல் போனதை கண்டு குமாா் அதிா்ச்சியடைந்தாா்.

பின்னா் வீட்டில் இருக்கும் கண்காணிப்புக் கேமராவை (சிசிடிவி) ஆய்வு செய்த போது, பட்டுச் சேலைகளை அந்தப் பெண்கள் தங்களது ஆடைகளில் மறைத்து நூதன முறையில் திருடிச் சென்றது தெரியவந்தது.

இதுகுறித்து கடை உரிமையாளா் குமாா் ஆரணி கிராமிய காவல் நிலையத்தில் செவ்வாய்க்கிழமை புகாா் அளித்தாா். போலீஸாா் வழக்கு பதிவு செய்து மா்ம நபா்களை தேடி வருகின்றனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.