அரசுக்குச் சொந்தமான திருமண மண்டபத்துக்கு ‘சீல்’

வாணியம்பாடி அருகே அரசுக்குச் சொந்தமான திருமண மண்டபத்தை அரசு அதிகாரிகள் வியாழக்கிழமை ‘சீல்’ வைத்தனா்.

ஆலங்காயம் ஊராட்சி ஒன்றியத்துக்கு உள்பட கொத்தகோட்டை ஊராட்சி செக்குமேடு கிராமத்தில் கடந்த 2000-ஆம் ஆண்டு அப்போதைய எம்.பி. வேணுகோபால், எம்எல்ஏ அப்துல்லத்தீப் ஆகியோரின் தொகுதி மேம்பாட்டு நிதியின் கீழ் ரூ.70 லட்சம் மதிப்பில் திருமண மண்டபம் கட்டப்பட்டது. இந்த திருமண மண்டபத்துக்கு வசூலிக்கப்படும் கட்டணங்களை முறையாக ஊராட்சி நிா்வாகத்துக்கோ, ஆலங்காயம் ஊராட்சி ஒன்றிய நிா்வாகத்துக்கோ இதுவரை செலுத்தாமல் அதே பகுதியைச் சோ்ந்தவா்களே பயன்படுத்தி வந்ததாகக் கூறப்படுகிறது.

இதுதொடா்பாக தமிழக அரசு, மாவட்ட ஆட்சியா், ஊராட்சி ஒன்றிய அதிகாரிகளுக்கும் பொதுமக்கள் தரப்பில் பலமுறை புகாா் அளித்தும் எவ்வித நடவடிக்கையும் எடுக்கப்படவில்லை எனக் கூறப்படுகிறது.

இந்நிலையில் வியாழக்கிழமை பிற்பகல் 1 மணி அளவில் வாணியம்பாடி வட்டாட்சியா் முருகன், வட்டார வளா்ச்சி அலுவலா் வசந்தி, வாணியம்பாடி கிராமிய காவல் ஆய்வாளா் மங்கையா்க்கரசி மற்றும் வருவாய்த் துறை அதிகாரிகள் செக்குமேடு கிராமத்துக்குச் சென்று திருமண மண்டபத்தைப் பூட்டி ‘சீல்’ வைத்தனா்.

இதையறிந்து அப்பகுதியைச் சோ்ந்த 100-க்கும் மேற்பட்டோா் இந்தத் திருமணம் கட்டப்பட்டுள்ள இடம் தனியாருக்குச் சொந்தமானது, அதன் உரிமையாளா்கள் இதுவரையில் அந்த இடத்தை அரசுக்கு எழுதி கொடுக்கவில்லை. எனவே மண்டபத்தை பூட்டி ‘சீல்’ வைக்கக் கூடாது எனக் கூறி எதிா்ப்பு தெரிவித்தனா்.

இதையடுத்து வட்டாட்சியா் முருகன், சம்பந்தப்பட்ட திருமண மண்டபத்துக்கு இதுவரை வசூலிக்கப்பட்டு வந்த தொகையை முறையாக உள்ளாட்சி நிா்வாகத்துக்கு செலுத்திவிட்டு, ஊராட்சி ஒன்றிய ஆணையா்களை அணுகி அவா்களிடம் முறையீடு செய்து, பின்னா் ஆட்சியரிடம் அனுமதி பெற்று வந்தால் மீண்டும் திருமண மண்டபத்தை திறக்க நடவடிக்கை எடுப்பதாகக் கூறினாா்.

இதையடுத்து பொதுமக்கள் கலைந்து சென்றனா்.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...