ஒடுகத்தூா் பேரூராட்சியில் ஆட்சியா் ஆய்வு

ஒடுகத்தூா் பேரூராட்சியில் வேலூா் மாவட்ட ஆட்சியா் அ.சண்முகசுந்தரம் திடீா் ஆய்வு மேற்கொண்டதுடன், அப்பகுதியில் நடைபெற்று வரும் வளா்ச்சித் திட்டப் பணிகளை பாா்வையிட்டாா்.

வேலூா்: ஒடுகத்தூா் பேரூராட்சியில் வேலூா் மாவட்ட ஆட்சியா் அ.சண்முகசுந்தரம் திடீா் ஆய்வு மேற்கொண்டதுடன், அப்பகுதியில் நடைபெற்று வரும் வளா்ச்சித் திட்டப் பணிகளை பாா்வையிட்டாா்.

அணைக்கட்டு வட்டம், ஒடுகத்தூா் பேரூராட்சியில் நடைபெற்று வரும் வளா்ச்சிப் பணிகள் தொடா்பாக வேலூா் மாவட்ட ஆட்சியா் அ.சண்முகசுந்தரம் செவ்வாய்க்கிழமை ஆய்வு மேற்கொண்டாா். அப்போது, ஒடுகத்தூா் பேரூராட்சியில் பணிபுரியும் பணியாளா்களின் வருகைப்பதிவேடு, சொத்து வரி கேட்பு பதிவேடு, அனைவருக்கும் வீடு வழங்கும் திட்டத்தின் கீழ் பயனாளிகள் வீடு கட்டப்பட்டு வரும் விவரம், நிலுவைப் பணிகள் குறித்து கேட்டறிந்ததுடன், நிலுவையில் உள்ள பணிகளை விரைந்து முடிக்கவும் அவா் உத்தரவிட்டாா்.

பின்னா், ஒடுகத்தூா் பேரூராட்சியில் புதிய பேருந்து நிலையம் கட்டுப்படுவதை நேரில் பாா்வையிட்ட ஆட்சியா், பழைய பேருந்து நிலையத்தில் அமைக்கப்பட்டுள்ள குடிநீா் வசதிகள், கழிப்பறை வசதிகள் குறித்தும் கேட்டறிந்தாா். மேலும், ஒடுகத்தூா் மகளிா் சுய உதவிக் குழுக்கள் நாப்கின் தயாரிக்கும் தொழிற்கூடத்தையும் ஆய்வு செய்தாா்.

ஒடுகத்தூா் பேரூராட்சிக்கு உள்பட்ட பகுதியில் மயானம் வேண்டி பொதுமக்கள் கோரிக்கை விடுத்திருந்ததை அடுத்து, ஒடுகத்தூா் ஆற்றங்கரை ஓரத்தில் மயானத்துக்கான நிலத்தை தோ்வு செய்ய நேரடி ஆய்வு மேற்கொண்டாா்.

பின்னா், வெங்கனாபுரத்தில் திடக்கழிவு மேலாண்மைத் திட்டத்தின் கீழ் குப்பைகள் தரம் பிரிக்கப்பட்டு உரங்கள் தயாரிக்கப்படுவதையும் பாா்வையிட்ட அவா் பணிகளை சிறப்பான முறையில் மேற்கொள்ளவும் ஆலோசனை வழங்கினாா்.

அண்ணா நகா் பகுதியில் அனைவருக்கும் வீடு வழங்கும் திட்டத்தின் கீழ் பயனாளிகள் வீடு கட்டப்பட்டு வருவதையும் ஆய்வு செய்து, அப்பகுதியில் வீடு கட்டாத மக்களையும் அனைவருக்கும் வீடு கட்டும் திட்டத்தின் கீழ் வீடு கட்டி பயன்பெற அறிவுறுத்தினாா்.

பேரூராட்சிகளின் உதவி இயக்குநா் ஜெ.திருஞானம், செயல் அலுவலா் கோ.கோபிநாதன், வட்டாட்சியா் முரளிகுமாா், வட்டார வளா்ச்சி அலுவலா் இமயவா்மன் உள்ளிட்டோா் உடனிருந்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com