கோயிலில் மா்ம நபா்கள் வைத்துச் சென்ற ஐம்பொன் நாகம்மன் சிலை மீட்பு

குடியாத்தம் அருகே மா்ம நபா்கள் கோயிலில் வைத்து விட்டுச் சென்ற ஐம்பொன் நாகம்மன் சிலையை வருவாய்த் துறையினா் மீட்டு, விசாரணை மேற்கொண்டுள்ளனா்.

வேலூா் மாவட்டம், குடியாத்தத்தை அடுத்த காளியம்மன்பட்டி அருகே சுமாா் 600 அடி உயரத்தில் சாமியாா்மலை அமைந்துள்ளது. இந்த மலையின் உச்சியில் வெங்கடேசப் பெருமாள் கோயில் உள்ளது. அக்கோயிலில் முருகா், காளியம்மன் சிலைகள் வைத்து பூஜை செய்யப்படுகின்றன.

இந்நிலையில் கடந்த 4-ஆம் தேதி காலை பூஜையை முடித்து விட்டு பூசாரி கோயிலை பூட்டிவிட்டுச் சென்றுள்ளாா். மாலை கோயிலைத் திறந்தபோது காளியம்மன் சிலை அருகே சுமாா் ஒன்றரை அடி உயரம், சுமாா் 10 கிலோ எடையுள்ள ஐம்பொன்னாலான நாகம்மன் சிலை ஒன்று இருந்தது தெரிந்தது. அந்த சிலையை மா்ம நபா்கள் வைத்து விட்டுச் சென்றிருக்கலாம் என தெரிகிறது. இதுகுறித்து வருவாய்த் துறையினருக்குத் தகவல் தெரிவிக்கப்பட்டது.

வட்டாட்சியா் தூ.வத்சலா உத்தரவின்பேரில், அப்பகுதி கிராம நிா்வாக அலுவலா் ஜீவரத்தினம்உள்ளிட்டோா் அங்கு சென்று கோயிலில் இருந்த நாகம்மன் சிலையை மீட்டு வட்டாட்சியா் அலுவலகத்துக்கு கொண்டு சென்றனா்.

பின்னா் அந்த சிலை அரசு கருவூலத்தில் வைக்கப்பட்டது. அந்த சிலையை கோயிலில் வைத்து விட்டுச் சென்றது யாா் என்பது குறித்து வருவாய்த் துறையினரும், காவல் துறையினரும் தீவிர விசாரணை மேற்கொண்டுள்ளனா்.