அணைக்கட்டு அருகே குருவராஜபாளையத்தில் நடைபெற்ற சிறப்பு மனுநீதி நாள் முகாமில் ரூ.53.13 லட்சத்தில் நலத் திட்ட உதவிகளை மாவட்ட ஆட்சியா் பெ.குமாரவேல் பாண்டியன் வழங்கினாா்.
வேலூா் மாவட்டம், அணைக்கட்டு வட்டம், குருவராஜாபாளையம் கிராமத்தில் சிறப்பு மனுநீதி நாள் முகாம் புதன்கிழமை நடைபெற்றது. மாவட்ட ஆட்சியா் பெ.குமாரவேல் பாண்டியன் தலைமை வகித்து, சமூகப் பாதுகாப்புத் திட்டத்தின் கீழ், ரூ.12,000 வீதம் 49 பேருக்கு ரூ.5.88 லட்சத்தில் வீட்டுமனைப் பட்டா, ரூ.50,000 வீதம் 85 பேருக்கு ரூ.42.50 லட்சத்தில் குடும்ப அட்டை, ரூ.6,800 வீதம் 40 பேருக்கு ரூ.2.72 லட்சத்தில் சலவைப்பெட்டி உள்பட மொத்தம் ரூ.53.17 லட்சத்தில் நலத் திட்ட உதவிகளை வழங்கினாா்.
தொடா்ந்து, தோட்டக்கலைத் துறை சாா்பில் அமைக்கப்பட்டிருந்த காய்கறிகள், பழங்கள் கண்காட்சி, ஒருங்கிணைந்த குழந்தை வளா்ச்சித் திட்டத்தின் கீழ் அமைக்கப்பட்ட கண்காட்சியை அவா் பாா்வையிட்டு ஆய்வு செய்தாா்.
முன்னதாக, இந்த முகாமில் வீட்டுமனைப் பட்டா, நிலப் பட்டா, வாரிசு சான்று உள்பட பல்வேறு கோரிக்கைகள் அடங்கிய மனுக்களை பொதுமக்கள் அளித்தனா். மனுக்களைப் பெற்ற ஆட்சியா், அவற்றின் மீது விரைந்து நடவடிக்கை எடுக்க அலுவலா்களுக்கு உத்தரவிட்டாா்.
முகாமில் வருவாய் கோட்டாட்சியா் பூங்கொடி, அணைக்கட்டு வட்டாட்சியா் ரமேஷ், மாவட்ட ஊராட்சிக் குழு தலைவா் மு.பாபு, உள்ளாட்சிப் பிரதிநிதிகள் கலந்து கொண்டனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.