வேலூா் மாவட்டத்துக்கு பொதுத்தோ்வு வினாத்தாள் வரப்பெற்றுள்ளதை அடுத்து, வினாத்தாள் கட்டுக்காப்பு மையங்களுக்கு துப்பாக்கி ஏந்திய போலீஸ் பாதுகாப்பு போடப்பட்டுள்ளது.
தமிழகத்தில் நிகழாண்டு பிளஸ் 2 பொதுத்தோ்வு மே 5-ஆம் தேதி தொடங்கி 28-ஆம் தேதி வரையும், பிளஸ் 1 பொதுத்தோ்வு 10-ஆம் தேதி தொடங்கி 31ஆம் தேதி வரையும், பத்தாம் வகுப்பு பொதுத் தோ்வு 6-ஆம் தேதி தொடங்கி 30-ஆம் தேதி வரையும் நடைபெற உள்ளது.
வேலூா் மாவட்டத்தில் பிளஸ் 2 பொதுத்தோ்வை 7,527 மாணவா்கள், 8,580 மாணவிகள் என மொத்தம் 16,107 போ் எழுதுகின்றனா். பிளஸ் 1 பொதுத்தோ்வை 8,237 மாணவா்கள், 8,720 மாணவிகள் என மொத்தம் 16,957 போ் எழுதுகின்றனா். இவா்களுக்காக 73 தோ்வு மையங்களும், தனித்தோ்வு மையங்கள் 3 அமைக்கப்பட்டுள்ளன. பத்தாம் வகுப்பு பொதுத்தோ்வை 9,528 மாணவா்களும், 9,401 மாணவிகளும் என மொத்தம் 18,929 போ் எழுதுகின்றனா். இவா்களுக்காக 92 தோ்வு மையங்களும், 4 தனித்தோ்வு மையங்களும் அமைக்கப்பட்டுள்ளன.
இந்த நிலையில், பொதுத்தோ்வு வினாத்தாள்கள் அரசு தோ்வுகள் துறை மூலம் அச்சிடப்பட்டு, மாவட்டம் வாரியாக அனுப்பி வைக்கப்பட்டுள்ளது. வேலூா் மாவட்டத்தில் 10-ஆம் வகுப்பு, பிளஸ் 1, பிளஸ் 2 பொதுத் தோ்வுகளுக்கான வினாத்தாள்கள் காட்பாடி ஆக்ஸீலியம் கல்லூரிக்கு சனிக்கிழமை வரப்பெற்றுள்ளது.
தொடா்ந்து, அவை சரிபாா்க்கப்பட்டு கட்டுக்காப்பு மையங்களில் பாதுகாப்பாக வைக்கப்பட்டு, சீலிடப்பட்டுள்ளன. தொடா்ந்து கட்டுக்காப்பு மையங்களுக்கு 24 மணி நேரமும் துப்பாக்கி ஏந்திய போலீஸ் பாதுகாப்பு போடப்பட்டுள்ளது.