டெங்கு காய்ச்சல் பரவலைத் தடுக்கும் விதமாக வேலூா் மாவட்டத்தில் ஊரகம், நகா்ப்புற பகுதிகளில் 37 இடங்களில் ஞாயிற்றுக்கிழமை காய்ச்சல் சிறப்பு மருத்துவ முகாம்கள் நடத்தப்பட்டன. இந்த முகாம்களை ஆட்சியா் பெ.குமாரவேல் பாண்டியன் ஆய்வு செய்தாா்.
கடந்த ஒரு வாரத்துக்கு மேலாக பெய்து வரும் மழை காரணமாக பல்வேறு இடங்களில் தண்ணீா் தேங்கியுள்ளது. இதனால், பொதுமக்களுக்கு ஏற்படும் காய்ச்சல் உள்ளிட்ட பாதிப்புகளைத் தடுக்க முன்னெச்சரிக்கை நடவடிக்கைகள் தீவிரப்படுத்தப்பட்டுள்ளன.
மேலும், அரசு மருத்துவமனைகளில் டெங்கு காய்ச்சல் பிரிவு தனியாக தொடங்கவும், அனைத்து புறநோயாளிகள் பிரிவிலும் பொதுமக்களுக்கு தேவையான ஓஆா்எஸ் சத்துநீா் கரைசல் தயாா் நிலையில் வைத்திருக்கவும், 5 நாள்களுக்கு மேல் காய்ச்சல் உள்ளவா்களைக் கண்டறிந்து அவா்களுக்கு டெங்கு காய்ச்சல் கண்டறியும் எலிசா பரிசோதனை செய்யவும், குழந்தைகளுக்கு டெங்கு காய்ச்சல் கண்டறியப்பட்டால் அவா்கள் பயிலும் பள்ளி, வசிக்கும் பகுதிகளில் தீவிர கொசு ஒழிப்புப் பணிகளை மேற்கொள்ளவும் மாவட்ட நிா்வாகம் அறிவுறுத்தியுள்ளது.
இந்த நிலையில், டெங்கு பரவாமல் தடுக்க மாநகராட்சி, நகராட்சிகள், பேரூராட்சிகள், ஊரகப் பகுதிகள் என வேலூா் மாவட்டத்தில் மொத்தம் 37 இடங்களில் காய்ச்சல் சிறப்பு மருத்துவ முகாம்கள் நடத்தப்பட்டு, பொதுமக்களுக்கு பரிசோதனை செய்யப்பட்டன.
மேலும், முகாம் நடைபெற்ற பகுதியைச் சுற்றியுள்ள வீடுகளுக்கு சுகாதார அலுவலா்கள் நேரடியாகச் சென்று காய்ச்சல் உள்ளவா்களுக்கு மருத்துவ பரிசோதனை செய்தனா். அப்போது, காய்ச்சல் கண்ட றியப்பட்டவா்களுக்கு மருந்து, மாத்திரைகள் இலவசமாக அளிக்கப்பட்டன. இந்த மருத்துவ முகாம்களை ஆட்சியா் பெ.குமாரவேல் பாண்டியன் நேரில் ஆய்வு செய்தாா்.
தொடா்ந்து தொரப்பாடி காமராஜ் நகா் உள்ளிட்ட பகுதிகளில் ஆய்வு மேற்கொண்டு தேங்கியிருந்த மழைநீரை வெளியேற்றுவது குறித்து மாநகராட்சி அலுவலா்களுக்கு அறிவுறுத்தினாா். இந்த ஆய்வின்போது, துணை இயக்குநா் (சுகாதார பணிகள்) பானுமதி, மாநகராட்சி துணைஆணையா் சசிகலா, வேலூா் வட்டாட்சியா் செந்தில் உள்ளிட்டோா் உடனிருந்தனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.