தடையைமீறி மதுவிற்ற 3 பெண்கள் கைது

வேலூா்: காந்தி ஜெயந்தி நாளில் வேலூரில் தடையை மீறி கள்ளத்தனமாக மதுபானம் விற்பனை செய்த 3 பெண்கள் கைது செய்து, 300 மதுபாட்டில்களையும் போலீஸாா் பறிமுதல் செய்தனா்.

காந்தி ஜெயந்தியையொட்டி திங்கள்கிழமை மதுக்கடைகள் அடைக்கப்பட்டிருந்தன. அதேசமயம், தடையை மீறி மதுபானங்கள் விற்பனை செய்தால் அவா்கள் மீது நடவடிக்கை எடுக்கப்படும் என்றும் மாவட்ட நிா்வாகம் சாா்பில் எச்சரிக்கை விடுக்கப்பட்டிருந்தது.

இந்த நிலையில், வேலூா் வடக்கு காவல் ஆய்வாளா் சீனிவாசன் தலைமையில் போலீஸாா் சைதாப்பேட்டை முருகன் கோயில் பகுதியில் திங்கள்கிழமை ரோந்து பணியில் ஈடுபட்டிருந்தனா். அப்போது அங்காளம்மன் கோயில் பகுதியைச் சோ்ந்த விமலா (75), கமலா ( 70), லட்சுமி (76) ஆகியோா் கள்ளத்தனமாக வீட்டில் மது பாட்டில்கள் பதுக்கி வைத்து கூடுதல் விலைக்கு விற்பனை செய்தது தெரியவந்தது.

போலீஸாா் அவா்களை கைது செய்து அவா்களிடமிருந்து ரூ.40,000 மதிப்பிலான 300 மது பாட்டில்களை பறிமுதல் செய்தனா்.