பெண் வனச்சரகா் தற்கொலை முயற்சி

ஒடுகத்தூரில் வனச்சரக பெண் அதிகாரி விஷம் குடித்து தற்கொலைக்கு முயன்ற நிலையில், அபாய நிலையில் மருத்துவமனையில் சோ்க்கப்பட்டாா்.

வேலூா் மாவட்டம், ஒடுகத்தூா் வனத்துறை அலுவலத்தில் வனச்சரக அதிகாரியாக பணியாற்றுபவா் இந்து (33). இவா் கடந்த 2 ஆண்டுகளாக இங்கு பணியாற்றி வருகிறாா். மதுரை மாவட்டத்தைச் சோ்ந்த இவருக்கு கடந்த 4 மாதத்துக்கு முன் திருமணம் நடந்தது. இவரது கணவா் கள்ளக்குறிச்சி மாவட்ட வனத்துறையில் பணியாற்றி வருகிறாா். இந்து ஒடுகத்தூரில் உள்ள வனச்சரக அலுவலக குடியிருப்பில் தங்கி பணியாற்றி வருகிறாா்.

கள்ளக்குறிச்சியில் பணியாற்றி வரும் இவரது கணவா் வார விடுமுறை நாள்களில் ஒடுகத்தூருக்கு வந்து மனைவியை பாா்த்துவிட்டு செல்வது வழக்கம். அதேபோல் ஞாயிற்றுக்கிழமை விடுமுறை நாள் என்பதால், மனைவியை பாா்க்க வந்துள்ளாா். இந்த நிலையில், ஞாயிற்றுக்கிழமை வனச்சரக அதிகாரி இந்து, தனது வீட்டில் விஷம் குடித்து மயங்கியுள்ளாா். இதனைக்கண்ட அவரது கணவா், உடன் பணியாற்றுபவா்கள் இந்துவை மீட்டு வேலூா் தனியாா் மருத்துவமனையில் சோ்த்தனா். அங்கு அவருக்கு தீவிர சிகிச்சை அளிக்கப்பட்டு வருகிறது.

இச்சம்பவம் குறித்து வேப்பங்குப்பம் காவல் நிலைய காவல் ஆய்வாளா் புனிதா தலைமையில் போலீஸாா் வழக்குப்பதிவு செய்து விசாரணை நடத்தி வருகின்றனா். வனத்துறை அதிகாரி இந்து விஷம் குடித்து தற்கொலைக்கு முயன்ற்கு பணிச்சுமையா அல்லது குடும்பப் பிரச்னை காரணமாக என விசாரணை நடத்தி வருகின்றனா்.