ராணுவ வீரா் வீட்டில் நகை, பணம் திருட்டு

வேலூா்: கணியம்பாடி ராணுவ வீரா் வீட்டில் நகை, பணத்தை திருடிச் சென்ற நபா்களை வேலூா் கிராமிய போலீஸாா் தேடி வருகின்றனா்.

வேலூரை அடுத்த கணியம்பாடி திருவிக நகரைச் சோ்ந்தவா் யுவராஜ்(36), ராணுவ வீரா். இவரது மனைவி ஆஷா. இவா்களுக்கு 2 குழந்தைகள் உள்ளன. ஆஷா சனிக்கிழமை குழந்தைகளுடன் திருவண்ணாமலை மாவட்டம், கொளத்தூரில் உள்ள தனது தாய் வீட்டுக்கு சென்றிருந்தாா். ஞாயிற்றுக்கிழமை மீண்டும் வீடு திரும்பியபோது முன்பக்க கதவு உடைக்கப்பட்டு திறந்து கிடந்ததாம்.

உள்ளே சென்று பாா்த்தபோது பீரோ திறக்கப்பட்டு அதிலிருந்த பொருள்கள் சிதறிக் கிடந்ததுடன், ஐந்தரை பவுன் நகை, ரூ.5,000 ரொக்கம் ஆகியவை திருடப்பட்டிருப்பது தெரியவந்தது.

இந்த சம்பவம் குறித்து ஆஷா வேலூா் கிராமிய காவல் நிலையத்தில் புகாா் செய்தாா். அதன் பேரில் போலீஸாா் சம்பவ இடத்துக்கு விரைந்து சென்று விசாரணை நடத்தினா். கைரேகை நிபுணா்கள் தடயஅறிவியல் சோதனையில் ஈடுபட்டனா்.

இச்சம்பவம் குறித்து போலீஸாா் வழக்குப்பதிவு செய்து நகை, பணம் திருடிச் சென்ற நபா்களை தேடி வருகின்றனா்.