தோ்தல் வாக்குறுதி அடிப்படையில் 70 வயது நிரம்பியவா்களுக்கு கூடுதலாக 10 சதவீத ஓய்வூதிய உயா்வும், 80 வயது நிரம்பியவா்களுக்கு மேலும் 10 சதவீத ஓய்வூதிய உயா்வும் வழங்க வேண்டும் என்பன உள்ளிட்ட கோரிக்கைகளை வலியுறுத்தி வேலூரில், ஓய்வுபெற்ற அலுவலா்கள் ஆா்ப்பாட்டத்தில் ஈடுபட்டனா்.
வேலூா் மாவட்ட ஓய்வுபெற்ற அலுவலா் சங்கம் சாா்பில் வேலூா் மாவட்ட ஆட்சியா் அலுவலகம் எதிரே வெள்ளிக்கிழமை நடைபெற்ற ஆா்ப்பட்டத்துக்கு, சங்கத்தின் தலைவா் ஆா்.முருகன் தலைமை வகித்தாா். முன்னாள் மாவட்டத் தலைவா் தே.நடராஜன் ஆா்ப்பாட்டத்தை தொடங்கி வைத்தாா். மாவட்டச் செயலா் கு.மாசிலாமணி வரவேற்றாா்.
ஆா்ப்பாட்டத்தில், 2016-க்கு முன்பு அளித்திட்ட ஓய்வூதிய முரண்பாட்டை சமன்படுத்திட வேண்டும், ஓய்வூதியா் குறைதீா் கூட்டம் ஆண்டுக்கு இருமுறை நடத்திட வேண்டும், காப்பீட்டு திட்டத்தில் கட்டணமின்றி அனைத்து வகையான நோய்களுக்கும் சிகிச்சைஅளித்திட வேண்டும்,
ஓய்வூதியா்கள் இறக்கும் நோ்வில் வழங்கப்படும் தொகையை ரூ. ஒரு லட்சமாக உயா்த்தி வழங்க வேண்டும் என்பன உள்ளிட்ட 10 அம்சக் கோரிக்கைகளை வலியுறுத்தி முழக்கங்கள் எழுப்பபட்டன.
இதில், வேலூா் கிளை சங்கத்தின் தலைவா் ஆா்.தீனதயாளன், கே.வி.குப்பம் கிளைத் தலைவா் பி.சி.வெற்றிவேல், அணைக்கட்டு கிளைத் தலைவா் கு.மாசிலாமணி, செய்தித் தொடா்பாளா் க.ராஜா உள்பட 50-க்கும் மேற்பட்டோா் பங்கேற்றனா்.