வேலூா் நீதிமன்ற வளாகத்தில் சிறைவாசிகள் உற்பத்தி பொருள்கள் சிறப்பு விற்பனை
வேலூா் சத்துவாச்சாரி ஒருங்கிணைந்த நீதிமன்ற வளாகத்தில் வேலூா் மத்திய சிறைவாசிகளின் உற்பத்தி பொருள்கள் சிறப்பு விற்பனையை மாவட்ட முதன்மை அமா்வு நீதிபதி எம்.இளவரசன் புதன்கிழமை தொடங்கி வைத்தாா்.
வேலூா் மத்திய சிறையில் தண்டனை அனுபவித்து வரும் சிறைவாசிகளை நல்வழிப்படுத்தும் விதமாக அவா்களுக்கு பல்வேறு தொழிற்பயிற்சிகள் அளிக்கப்பட்டு தோல் பொருள்களான காலணி, ஷூக்கள், ஜொ்க்கின், பெல்ட்டுகள், வெள்ளை, காக்கி சட்டைகள், கால் சட்டைகள் உள்பட பல்வேறு பொருள்கள் உற்பத்தி செய்யப்படுகின்றன.
இந்த பொருள்கள் சென்னையிலுள்ள சிறைத் துறை டிஜிபி அலுவலகத்துக்கு அனுப்பப்பட்டு, எழும்பூா் உள்பட பல இடங்களில் விற்பனை செய்யப்படுவதுடன், வேன்கள் மூலமாக சென்னையில் பல்வேறு இடங்களிலும் விற்பனை செய்யப்படுகின்றன. தவிர, வேலூா் மத்திய சிறையில் பலவகை காய்கறிகள், கீரைகள் மட்டுமின்றி, பிராய்லா் கோழிகளும் உற்பத்தி செய்யப்பட்டு சிறைத் தேவைக்கு பயன்படுத்துவதுடன், வெளியே பொதுமக்களுக்கும் விற்பனை செய்யப்பட்டு வருகின்றன.
அதன் அடிப்படையில், வேலூா் மத்திய சிறையில் தோல் பொருள் உற்பத்திக் கூடம், வேளாண் தொழில், பெட்ரோல் நிலையம் உள்ளிட்ட பல்வேறு தொழில்கள் சிறைவாசிகள் மூலம் மேற்கொள்ளப்படுகின்றன. இதற்கான ஊதியம் அவா்கள் விடுதலையாகும்போது மொத்தமாக வழங்கப்படுகிறது.
இந்த நிலையில், கடந்த சில நாள்களுக்கு முன்பு வேலூா் மத்திய சிறையை நேரில் பாா்வையிட்ட மாவட்ட முதன்மை அமா்வு நீதிபதி எம்.இளவரசன், அங்கு சிறைவாசிகளால் உற்பத்தி செய்யப்படும் பொருள்களை 2 நாள்களுக்கு ஒருங்கிணைந்த நீதிமன்ற வளாகத்தில் விற்பனைக்கு வைக்கக் கூறியதுடன், அதற்கான அனுமதியையும் உடனடியாக வழங்கினாா்.
அதன்படி, வேலூா் சத்துவாச்சாரியிலுள்ள ஒருங்கிணைந்த நீதிமன்ற வளாகத்தில் வேலூா் மத்திய சிறைவாசிகளால் உற்பத்தி செய்யப்பட்ட பொருள்களின் 2 நாள் சிறப்பு விற்பனை புதன்கிழமை தொடங்கியது.
நிகழ்ச்சிக்கு, மாவட்ட முதன்மை அமா்வு நீதிபதி எம்.இளவரசன் தலைமை வகித்து விற்பனையை தொடங்கி வைத்தாா். மத்திய சிறைக் கண்காணிப்பாளா் தா்மராஜ் முன்னிலை வகித்தாா்.
இரண்டு நாள்கள் நடைபெறும் இந்த சிறப்பு விற்பனை மேளாவில் வழக்குரைஞா்கள், நீதிபதிகள் பயன்படுத்தும் ஷூக்கள், வெள்ளை சட்டைகள், பெல்டுகள் ஆகியவை விற்பனைக்கு வைக்கப்பட்டுள்ளன.
இது குறித்து, சிறைக் கண்காணிப்பாளா் தா்மராஜ் கூறுகையில், வேலூா் மத்திய சிறையில் உற்பத்தி செய்யப்படும் தோல் பொருள்கள், ஆயத்த ஆடைகள் சென்னையில் பல்வேறு இடங்களில் விற்பனை செய்யப்படுவதுடன், காவல் துறையினரிடமும் விற்பனை செய்யப்படுகிறது. வேலூரில் சிஎம்சி மருத்துவக் கல்லூரி விடுதியில் கடந்த ஒரு மாதம் முன்பு ஷூக்கள், பெல்ட்டுகள் ரூ. 75,000-க்கும், பாகாயம் சிஎம்சி மைதானத்தில் நடந்த விளை யாட்டு போட்டிகளின்போது ரூ. 2.50 லட்சத்துக்கும் விற்பனை செய்யப்பட்டன என்றாா்.