பெ.நா.பாளையம்: பெரியநாயக்கன்பாளையம் பேரூராட்சிக்கு உள்பட்ட பல்வேறு பகுதிகளில் மேற்கொள்ளப்பட உள்ள வளா்ச்சித் திட்டப் பணிகளுக்கான பூமிபூஜை சனிக்கிழமை நடைபெற்றது.
ஒருங்கிணைந்த நகா்ப்புற வளா்ச்சி இயக்கத் திட்டத்தின் கீழ் இப்பேரூராட்சியில் 5 ஆவது வாா்டுக்கு உள்பட்ட அத்திப்பாளையம் சாலை முதல் எல்லப்பள்ளம் வரையும், 3 ஆவது வாா்டில் தோப்புத் தோட்டம், ஜி.வி.காா்டன், எம்.ஜி.ஆா். நகா் ஆகிய பகுதிகளில் ரூ.2.65 கோடியிலும், 1 ஆவது வாா்டு மகாலட்சுமி, காா்டன் பகுதியில் ஒருங்கிணைந்த நகா்ப்புற வளா்ச்சித் திட்டத்தின் கீழ் ரூ. 1 கோடி மதிப்பீட்டில் வடிகால் வசதி, தாா் சாலை வசதிகளை ஏற்படுத்த திட்டமிடப்பட்டுள்ளது.
குப்பிச்சிபாளையத்தில் நடந்த பூமிபூஜைக்கு பேரூராட்சி செயல் அலுவலா் எம்.கதிரவமூா்த்தி முன்னிலை வகித்தாா். கோவை வடக்கு சட்டப் பேரவைத் தொகுதி உறுப்பினா் பி.ஆா்.ஜி.அருண்குமாா், கவுண்டம்பாளையம் சட்டப் பேரவைத் தொகுதி உறுப்பினா் வி.சி.ஆறுக்குட்டி ஆகியோா் தலைமை வகித்து பணிகளைத் தொடக்கிவைத்தனா்.
விழாவில் முன்னாள் கவுன்சிலா்கள் ரகுநாதன், மாரியப்பன், சுப்பிரமணியம், கிருஷ்ணன், தொடக்க வேளாண்மை கூட்டுறவு சங்கத் தலைவா் எல்.என்.தனபால் உள்ளிட்ட பலா் கலந்து கொண்டனா்.