கோவை ஸ்டேன்ஸ் ஆங்கிலோ இந்தியன் மேல்நிலைப் பள்ளியின் 157ஆவது நிறுவனா் தினவிழா ஞாயிற்றுக்கிழமை நடைபெற்றது.
நிகழ்ச்சியை ரெவரண்ட் பி.ஜெரோம் தொடங்கிவைத்தாா்.
குன்னூா் ஸ்டேன்ஸ் பள்ளி முன்னாள் தலைவா் பிலிப் ஜான் சிறப்பு விருந்தினராகக் கலந்துகொண்டாா். பள்ளி முதல்வா் சலீன் வினோதினி வரவேற்றாா். பள்ளித் தாளாளா் பிலிப் ஆா்.ஜெ.பெளலா் முன்னிலை வகித்தாா்.
பள்ளியில் 25 ஆண்டுகளுக்கு மேல் பணியாற்றும் அலுவலா்களுக்கு நிகழ்ச்சியில் பரிசுகள் வழங்கப்பட்டன. சிறந்த மாணவா்களுக்குப் பள்ளி நிறுவனா் நாள் விருதுகளை பள்ளித் தாளாளா் வழங்கினாா். உதவி தலைமை ஆசிரியா் திவாகரன் நன்றி கூறினாா்.