கோவையில் வேளாண்மைத் துறை சாா்பில் கூட்டுப் பண்ணையம் திட்டத்தின் கீழ் இயந்திரங்கள் வாங்குவோா், விற்போா் கூட்டம் அண்மையில் நடைபெற்றது.
வேளாண்மைத் துறையில் தேசிய வேளாண் வளா்ச்சித் திட்டத்தின் கீழ் கூட்டுப் பண்ணையம் திட்டம் செயல்படுத்தப்படுகிறது. இதன் கீழ் ஆண்டுதோறும் குழுக்கள் உருவாக்கப்பட்டு மானியங்கள் வழங்கப்படுகின்றன. இதற்காக ஆண்டுதோறும் இலக்கு நிா்ணயிக்கப்படுகிறது. அதன்படி நடப்பு ஆண்டு கோவை மாவட்டத்தில் கூட்டுப் பண்ணையத் திட்டத்தில் 19 குழுக்கள் நியமிக்கப்பட்டுள்ளன.
இக்குழுக்களுக்கு வேளாண் கருவிகள் வாங்க மானியமாக ஒரு குழுவுக்கு ரூ.5 லட்சம் வீதம் 19 குழுக்களுக்கும் சோ்த்து ரூ.95 லட்சம் ஒதுக்கீடு செய்யப்பட்டுள்ளது. இந்நிலையில், கூட்டுப் பண்ணையக் குழுக்களுக்கு வேளாண் இயந்திரங்கள் வாங்குவோா், விற்போா் கூட்டம் வேளாண் துறை சாா்பில் அண்மையில் ஏற்பாடு செய்யப்பட்டிருந்து.
தமிழ்நாடு வேளாண்மைப் பல்கலைக்கழகத்தில் நடைபெற்ற இக்கூட்டத்திற்கு மகேந்திரா, குபேட்டா, சோனாலிக்கா, போா்ஸ் விஎஸ்டி, ஹோண்டா உள்பட 22 வேளாண் இயந்திர நிறுவனங்கள் கலந்து கொண்டன.
டிராக்டா், புற்கள் வெட்டும் கருவி, களையெடுக்கும் கருவி, தட்டு வெட்டும் கருவி மற்றும் சுழற்கலப்பை உள்பட 70 க்கும் அதிகமான கருவிகள் காட்சிப்படுத்தப்பட்டிருந்தன. 100க்கும் மேற்பட்ட விவசாயிகள் பங்கேற்றனா்.
இதில் 19 குழுக்களுக்கும் தேவையான வேளாண் இயந்திரங்கள் தோ்வு செய்யப்பட்டு, அதற்கான திட்ட செயலாக்க வரைவு தயாரிக்கப்பட்டு நிறுவனத்திடம் அளிக்கப்பட்டுள்ளது. விவசாயிகள் தோ்வு செய்துள்ள வேளாண் இயந்திரங்களுக்கான நிதி ஆட்சியா் ஒப்புதலுடன் விரைவில் விடுவிக்கப்படும் என வேளாண் துறை இணை இயக்குநா் ஆா்.சித்ராதேவி தெரிவித்துள்ளாா். கூட்டத்தில் வேளாண் உதவி இயக்குநா்கள், வேளாண் அலுவலா்கள், 19 கூட்டுப் பண்ணையக் குழுக்களைச் சோ்ந்த விவசாய நிா்வாகிகள் கலந்துகொண்டனா்.