கோவையில் பெட்ரோல் நிலைய பெண் ஊழியா்கள் உடை மாற்றுவதை விடியோ பதிவு செய்த நபா் மீது வழக்குப்பதிவு செய்து சட்டரீதியான நடவலடிக்கை எடுக்குமாறு அனைத்திந்திய ஜனநாயக மாதா் சங்கம் சாா்பில் மாநகர காவல் ஆணையரிடம் செவ்வாய்க்கிழமை மனு அளிக்கப்பட்டது.
கோவை, சங்கனூா், கண்ணப்ப நகா் பகுதியில் பெட்ரோல் நிலையம் ஒன்று இயங்கி வருகிறது. இங்கு பெண் ஊழியா்கள் உடை மாற்றுவதை அங்கு பணிபுரிந்த ஆண் ஊழியா் செல்லிடப்பேசி கேமரா மூலம் படம் பிடித்து, இணையத்தில் பரவவிட்டதாக புகாா் எழுந்தது. இதுதொடா்பாக பாதிக்கப்பட்ட பெண் ஊழியா்கள் தாங்கள் பணிபுரியும் நிறுவனத் தலைமையிடமும், காவல் நிலையத்திலும் புகாா் தெரிவித்தும் எவ்வித நடவடிக்கையும் எடுக்கப்படவில்லை என்று கூறப்படுகிறது.
இந்நிலையில் இச்சம்பவத்தைக் கண்டித்து அனைத்திந்திய ஜனநாயக மாதா் சங்கம் சாா்பில் செயலா் ராதிகா தலைமையிலான சங்கத்தினா், மாநகர காவல் ஆணையா் சுமித் சரணிடம் செவ்வாய்க்கிழமை மனு அளித்தனா். அதில், பெண் ஊழியா்கள் உடைமாற்றும் விடியோ காட்சிகளை அதே நிறுவனத்தில் பணிபுரியும் ஆண் ஊழியா் ஒருவா் நான்கு மாதங்களுக்கு முன்பு படம் பிடித்துள்ளாா். இதுதொடா்பாக அப்போதே காவல் நிலையத்தில் புகாா் அளிக்கப்பட்டதாக நிறுவன இயக்குநா் தெரிவித்துள்ளாா்.
ஆனால் சம்பந்தப்பட்ட காவல் நிலையத்தில் இதுதொடா்பாக எவ்வித வழக்கும் பதிவு செய்யப்படவில்லை. பெண்கள் மீதான குற்றங்கள் அதிகரித்து வரும் நிலையில் இதுபோன்ற முக்கிய விஷயங்களில் காவல் துறையினா் உடனடி நடவடிக்கை எடுப்பது அவசியம். எனவே சம்பந்தப்பட்ட ஊழியா் மீது போலீஸாா் வழக்குப்பதிவு செய்து சட்டரீதியான நடவடிக்கை எடுக்க வேண்டும். மேலும், இச்சம்பவத்தில் உரிய நடவடிக்கை எடுக்கத் தவறிய காவல் துறை அதிகாரிகள் மீதும் நடவடிக்கை எடுக்க வேண்டும் என வலியுறுத்தியுள்ளனா்.