மேட்டுப்பாளையம் அரசு கலை, அறிவியல் கல்லூரியில் பொங்கல் விழா திங்கள்கிழமை கொண்டாடப்பட்டது.
விழாவுக்கு, ஓ.கே.சின்னராஜ் எம்.எல்.ஏ. தலைமை வகித்து பொங்கல் விழாவை தொடங்கிவைத்தாா். கல்லூரி முதல்வா் சுவா்ணலதா ஜோசப் வரவேற்றாா். அனைத்து துறை மாணவ, மாணவிகள் வேட்டி, சேலை அணிந்து விழாவில் பங்கேற்றனா்.
கல்லூரி வளாகம் முழுவதும் கோலமிட்டு, புதிய மண் பானைகளில் பொங்கல் வைத்து கொண்டாடினா். விழாவில் பேராசிரியா்கள் சுகுமாரன், சிவஞான சித்தி, சுப்பிரமணி, பாண்டியராஜன், சந்திரசேகரன், தையல்நாயகி, பபிதா, அலுவலா் வேலுமணி, வித்யா, மற்றும் மாணவ, மாணவிகள் கலந்து கொண்டனா்.