கோவையில் மத்திய அரசின் சுகாதாரத் திட்டத்தின் (சிஜிஎச்எஸ்) மருத்துவ சேவையைத் தொடங்க சுகாதாரத் துறை உறுதி அளித்திருப்பதாக தெரிவித்துள்ள கோவை எம்.பி. நடராஜன், இதை விரைவில் நடைமுறைக்கு கொண்டு வர வேண்டும் என்றும் வலியுறுத்தியுள்ளாா்.
இது குறித்து அவா் வெளியிட்டுள்ள அறிக்கையில் கூறியிருப்பதாவது:
நாடு முழுவதிலும் மத்திய அரசின் சுகாதாரத் திட்டத்தின் (சிஜிஎச்எஸ்) மருந்தகம், மருத்துவா்கள் உள்ளடக்கிய மருத்துவ மையம் செயல்பட்டு வருகிறது. மத்திய அரசு ஊழியா்கள், அவா்களின் குடும்பத்தினா், முன்னாள், இன்னாள் எம்.பி.க்கள் உள்ளிட்டோா் இங்கு மருத்துவ சேவையைப் பெற முடியும். காப்பீட்டுத் திட்டத்தின் அடிப்படையில் மேற்கொள்ளப்படும் இச்சேவை மாநில தலைநகரங்களை மையப்படுத்தியே உள்ளது. அதன்படி, தமிழகத்தில் சென்னையில் மட்டும் இத்திட்டத்தின் கீழ் மருந்தகம் உள்ளது. இதனால் கோவை உள்ளிட்ட பிற மாவட்டங்களில் உள்ள பயனாளிகள் இந்த சேவையின் முழு பயனை அடைய முடியாத நிலை உள்ளது.
எனவே கோவையில் இந்த மருந்தகத்தைத் தொடங்க வேண்டும் என கோவை நாடாளுமன்ற உறுப்பினா் என்ற முறையில் தொடா் முயற்சி மேற்கொண்டு வந்தேன். இதன் தொடா்ச்சியாக கடந்த மாதம் மத்திய சுகாதாரத் துறைக்கு கொங்கு மண்டலத்துக்கு உள்பட்ட 6 எம்.பி.க்கள், கேரள மாநிலம் பாலக்காடு எம்.பி. ஆகிய ஏழு எம்.பி.க்கள் கையெழுத்திட்டு மனு அனுப்பினோம்.
எங்களது கோரிக்கையை ஏற்று மத்திய சுகாதாரத் துறையும் தமிழ்நாட்டில் சென்னைக்கு அடுத்தபடியாக கோவை, மதுரையில் சிஜிஎச்எஸ் மருந்தகம் அமைப்பதற்கான நடவடிக்கை எடுப்பதாக உறுதி அளித்துள்ளது.
இதை கோவை நாடாளுமன்ற உறுப்பினா் என்ற முறையிலும், அனைத்து எம்.பி.க்களின் சாா்பிலும் வரவேற்கிறேன். அத்துடன், இதை விரைவில் நடைமுறைக்கு கொண்டு வர வேண்டும் என்றும் வலியுறுத்தியிருப்பதாக அவா் தெரிவித்துள்ளாா்.