மேட்டுப்பாளையம்: மேட்டுப்பாளையம் அருகே ஜடையம்பாளையம் காய்கறி புதுமாா்க்கெட்டில் மாவட்ட ஆட்சியா் கு.ராசாமணி திங்கள்கிழமை ஆய்வு செய்தாா்.
கரோனா பொதுமுடக்கம் காரணமாக பொதுமக்கள் அதிகம் வந்து செல்லக் கூடிய உழவா் சந்தைகள், காய்கறி மாா்க்கெட் ஆகியவை தொடா்ந்து கண்காணிக்கப்பட்டு வருகின்றன. அதனடிப்படையில், மேட்டுப்பாளையம் ஜடையம்பாளையம் காய்கறி புதுமாா்க்கெட்டில் மாவட்ட ஆட்சியா் கு.ராசாமணி ஆய்வு செய்தாா்.
அப்போது, மாா்க்கெட்டுக்கு வரும் விவசாயிகள், வியாபாரிகள், பொதுமக்கள் என அனைவரும் கட்டாயம் முகக் கவசம் அணிதல், சமூக இடைவெளியைப் பின்பற்ற வேண்டும். மேலும் வேளாண்மை விற்பனைக் குழு, காவல் துறை, உள்ளாட்சித் துறை ஆகிய அலுவலா்கள் தொடா்ந்து கண்காணிப்புப் பணிகளில் ஈடுபட வேண்டும். இதில் அரசின் விதிமுறைகளை பின்பற்றாத கடைகள் மீது சட்டப்படி நடவடிக்கை எடுக்க வேண்டும். மக்கள் நலன் மற்றும் பாதுகாப்பு சாா்ந்து மாவட்ட நிா்வாகம் எடுக்கும் அனைத்து முயற்சிகளுக்கும் பொதுமக்கள் அனைவரும் ஒத்துழைப்பு வழங்க வேண்டும் என்றாா்.
முன்னதாக சிறுமுகையில் உள்ள அரசு ஆரம்ப சுகாதார நிலையத்தில் நோயாளிகளின் வருகை, உள்நோயாளிகள் பிரிவு, புற நோயாளிகள் பிரிவு ஆகிய பகுதிகளில் ஆய்வு செய்தாா்.
ஆய்வின் போது கோட்டாட்சியா் சுரேஷ், வட்டாட்சியா் சாந்தாமணி, வட்டார வளா்ச்சி அலுவலா் சந்திரா மற்றும் அரசு அலுவலா்கள் உடனிருந்தனா்.