உதய் ரயில் சேவை நாளை பகுதி ரத்து

பெங்களூரு பகுதியில் ரயில் பாதையில் பொறியியல் பணிகள் மேற்கொள்ளப்படுவதால் கோவை - பெங்களூரு இடையே இயக்கப்படும் உதய் ரயில் மாா்ச் 22ஆம் தேதி, கிருஷ்ணராஜபுரம் - பெங்களூரு இடையே ரத்து செய்யப்படுவதாக ரயில்வே நிா்வாகம் தெரிவித்துள்ளது.

இதுதொடா்பாக சேலம் கோட்ட ரயில்வே நிா்வாகம் வெளியிட்டுள்ள செய்திக்குறிப்பு: பெங்களூரு பகுதியில் ரயில் பாதையில் பொறியியல் பணிகள் மேற்கொள்ளப்படுவதால் கோவை - பெங்களூரு உதய் விரைவு ரயில் (எண்: 22666), பெங்களூரு - கோவை உதய் விரைவு ரயில் (22665) கிருஷ்ணராஜபுரம் - பெங்களூரு இடையே மாா்ச் 22ஆம் தேதி ரத்து செய்யப்படுகிறது.

கோவை - மும்பை விரைவு ரயில் (11014), மும்பை - கோவை விரைவு ரயில் (11013) வரும் 22ஆம் தேதி மட்டும் வழக்கமான வழித்தடத்தில் இருந்து மாற்றப்பட்டு, சேலம் மாா்க்கமாக ஜோலாா்பேட்டை, ரேணிகுண்டா, கடப்பா, குண்டக்கல் வழித்தடத்தில் இயக்கப்பட உள்ளது என அதில் குறிப்பிடப்பட்டுள்ளது.