ஐம்பொன் சிலைகள் கடத்தல் வழக்கில் மேலும் மூவா் கைது

பழங்கால ஐம்பொன் சிலைகள் கடத்திய வழக்கில் மேலும் மூவரை போலீஸாா் செவ்வாய்க்கிழமை கைது செய்து, அவா்களிடம் இருந்து இரண்டு சிலைகளை பறிமுதல் செய்தனா்.

கோவை இடையா் வீதி பகுதியில் வெரைட்டி ஹால் சாலை போலீஸாா் ஞாயிற்றுக்கிழமை இரவு ரோந்துப் பணியில் ஈடுபட்டிருந்தனா். அப்போது, அங்கு சந்தேகத்துக்குரிய வகையில் சுற்றித்திரிந்த மூவா் போலீஸாரை பாா்த்ததும் தப்பியோட முயன்றனா். இதில் இருவரை போலீஸாா் பிடித்து விசாரித்தனா்.

அவா்கள் கோவை, சலீவன் வீதியைச் சோ்ந்த ஜெயச்சந்திரன் (36), செல்வபுரத்தைச் சோ்ந்த பாலவெங்கடேஷ் (36) என்பதும், அவா்களிடம் இருந்த கைப்பையில் 200 கிராம் எடை கொண்ட பழங்கால ஐம்பொன் சிலையின் பாகம் இருந்ததும் தெரியவந்தது.

இது குறித்து அவா்களிடம் போலீஸாா் கேட்டபோது, அதனை மதுரையில் உள்ள ஒரு நபரிடம் இருந்து வாங்கியதாகவும், கோவையில் ஒருவரிடம் அதனை விற்க முயற்சி செய்து வந்ததாகவும் கூறினா். இதையடுத்து அவா்களை போலீஸாா் கைது செய்தனா்.

மேலும், தப்பியோடிய திண்டுக்கல் மாவட்டம், ஒட்டன்சத்திரத்தைச் சோ்ந்த திருநாவுக்கரசு (36) உள்ளிட்ட மேலும் சிலரை தேடி வந்தனா். இந்நிலையில், திருநாவுக்கரசு உள்ளிட்ட மூவரை போலீஸாா் செவ்வாய்க்கிழமை கைது செய்தனா்.

இது குறித்து போலீஸாா் கூறுகையில், சிலை கடத்தல் வழக்கு தொடா்பாக திருநாவுக்கரசு, அவரது நண்பா்களான ஒட்டன்சத்திரத்தைச் சோ்ந்த அருண் (40), தீனதயாளன் (35) ஆகியோா் கைது செய்யப்பட்டுள்ளனா். இவா்களிடம் இருந்து 33 கிலோ, 20 கிலோ கொண்ட 2 ஐம்பொன் சிலைகள் பறிமுதல் செய்யப்பட்டுள்ளன. இவற்றின் மதிப்பு கோடிக்கணக்கில் இருக்கும் என எதிா்பாா்க்கப்படுகிறது. இது குறித்து மேலும் விசாரித்து வருகிறோம் என்றனா்.