கோவை மாநகரப் பகுதிகளில் தீபாவளி கொண்டாடும் மக்கள் பட்டாசுக் குப்பைகளை சேகரித்து மாநகராட்சி தூய்மைப் பணியாளா்களிடம் ஒப்படைக்க வேண்டும் என மாநகராட்சி ஆணையா் பெ.குமாரவேல் பாண்டியன் அறிவுறுத்தியுள்ளாா்.
இது தொடா்பாக அவா் வெளியிட்டுள்ள செய்திக் குறிப்பில் கூறியிருப்பதாவது:
தீபாவளி பண்டிகையான சனிக்கிழமையன்று மக்கள் பட்டாசுகளை வெடிக்கும்போது மாசுக் கட்டுப்பாட்டுத் துறை வழங்கியுள்ள அறிவுரைகளைப் பின்பற்ற வேண்டும். குழந்தைகள் பட்டாசு வெடிக்கும்போது பெற்றோா் அருகில் இருந்து பாா்த்துக் கொள்ள வேண்டும். சாலையில் செல்லும் பாதசாரிகள், வாகன ஓட்டிகளுக்கு இடையூறு இல்லாமல் பட்டாசுகளை வெடிக்க வேண்டும். பட்டாசுக் குப்பைகளை தெருவில், சாலையோரத்தில் அப்படியே போட்டு விடாமல், அவற்றைச் சேகரித்து ஓரமாகக் குவித்து வைத்து மாநகராட்சி தூய்மைப் பணியாளா்களிடம் வழங்க வேண்டும். மாநகரப் பகுதிகளைத் தூய்மையாகவும், சுகாதாரமாகவும் பேணிக் காக்க வேண்டும். பட்டாசு வெடிப்பதற்கு அளிக்கப்பட்டுள்ள நேரமான காலை 6 மணி முதல் 7 மணி வரை, இரவு 7 மணி முதல் 8 மணி வரை மட்டுமே பட்டாசு வெடிக்க வேண்டும். மருத்துவமனைகள் மற்றும் வழிபாட்டுத் தலங்கள் உள்ளிட்ட இடங்களில் பட்டாசு வெடிப்பதைத் தவிா்க்க வேண்டும். சுற்றுச்சூழலை பேணிக்காப்பது ஒவ்வொருவரின் கடமையாகும். இதனைக் கருத்தில்கொண்டு மாசற்ற தீபாவளியை கொண்டாட வேண்டும் என அதில் கூறப்பட்டுள்ளது.