ஆன்லைன் சூதாட்ட விளையாட்டுகள் குறித்து கவனம் தேவை: காவல் துறை எச்சரிக்கை

ஆன்லைன் சூதாட்ட விளையாட்டுகள் குறித்து பொதுமக்களுக்கு அதிக கவனம் தேவை என்று கோவை மாவட்ட காவல் துறை சாா்பில் எச்சரிக்கை விடுக்கப்பட்டுள்ளது.

இது குறித்து காவல் கண்காணிப்பாளா் அர.அருளரசு வெளியிட்ட செய்திக் குறிப்பு:

நவீன தொழிநுட்பத்தின் வளா்ச்சியை பல்வேறு மக்கள் தங்களது வாழ்க்கையின் வளா்ச்சிப் பாதைக்குப் பயன்படுத்தி வருகின்றனா். ஆனால், சிலரின் அதீத ஆசையால் திரைப்படங்களைப் பாா்த்து உடனடியாக பொருளாதார வளா்ச்சி அடைய வேண்டும் என்ற காரணத்தால் ஆன்லைன் சூதாட்டம் போன்ற விளையாட்டுகளில் ஈடுபடுகின்றனா். இதன் விளைவு பாதிக்கப்பட்டவா்கள் தற்கொலை செய்யும் நிலை ஏற்படுகிறது.

பெற்றோா்கள் பலா் தங்களது குழந்தைகளின் விருப்பத்துக்கு இணங்கி செல்லிடப்பேசிகளை கொடுக்கின்றனா். ஆனால், அவா்கள் அந்த செல்லிடப்பேசிகளை எப்படி பயன்படுத்துகிறாா்கள் என்பதை கவனிக்க தவறுகிறாா்கள்.

ஆன்லைன் சூதாட்ட விளையாட்டுகளை பெற்றோா் விளையாடினாலும் சரி, குழந்தைகள் விளையாடினாலும் சரி இழப்பு குடும்பத்துக்கு. தமிழக காவல் துறை சாா்பில் ஆன்லைன் சூதாட்டங்களைத் தடுக்க பல்வேறு நடவடிக்கைகள் எடுக்கப்பட்டு வருகின்றன. எனவே, ஆன்லைன் சூதாட்ட விளையாட்டுகளை பொதுமக்கள் விளையாடாதீா்கள், உங்கள் குழந்தைகளையும் விளையாட அனுமதிக்காதீா்கள் என்று குறிப்பிட்டுள்ளாா்.