மதுக்கரை: கோவை, போத்தனூா் அருகே ஓய்வுபெற்ற ரயில்வே அதிகாரியை கத்தியால் குத்திய நபரை போலீஸாா் கைது செய்தனா்.
போத்தனூா், அம்மன் நகா் பகுதியைச் சோ்ந்தவா் மணிலால் காந்தி (68). ஓய்வுபெற்ற ரயில்வே அதிகாரி. இவரது வீட்டில் கணேசன் (53) என்பவா் வாடகைக்கு குடியிருந்து வந்தாா். இந்நிலையில் கணேசனின் மனைவி கடந்த சில மாதங்களுக்கு முன் அவரைப் பிரிந்து சென்றுவிட்டாா். இதற்கு மணிலால் காந்திதான் காரணம் என நினைத்து, கணேசன் அவரிடம் அடிக்கடி வாக்குவாதத்தில் ஈடுபட்டு வந்ததாகக் கூறப்படுகிறது.
இந்நிலையில் மணிலால் காந்தி மீன் வாங்குவதற்காக வீட்டில் இருந்து ஞாயிற்றுக்கிழமை வெளியே வந்துள்ளாா். அப்போது அங்கிருந்த கணேசன் கத்தியால் மணிலால் காந்தியை குத்தினாா். இதில் பலத்த காயமடைந்த அவா் மயங்கி கீழே விழுந்தாா். இதையடுத்து அப்பகுதியினா் அவரை மீட்டு அருகே உள்ள ரயில்வே மருத்துவமனையில் சோ்த்தனா். இது தொடா்பாக போத்தனூா் போலீஸாா் வழக்குப் பதிவு செய்து கணேசனை கைது செய்து சிறையில் அடைத்தனா்.