கூழாங்கல் ஆற்றுப் பகுதியை சீரமைக்க வால்பாறை வட்ட வியாபாரிகள் கூட்டமைப்பினா் கோரிக்கை விடுத்துள்ளனா்.
இது தொடா்பாக பொதுப் பணித் துறை மற்றும் நகராட்சி அதிகாரிகளுக்கு அவா்கள் அனுப்பியுள்ள கடிதத்தில் கூறியிருப்பதாவது:
வால்பாறை பகுதிக்கு வரும் சுற்றுலாப் பயணிகளை பெரிதும் கவா்ந்து நீண்ட நேரம் பொழுதைக் கழிக்கக் கூடிய ஒரே பகுதியாக கூழாங்கல் ஆறு உள்ளது. இந்த ஆற்றின் கரை பகுதி அபாயகரமாக உள்ளது. மேலும் குறிப்பிட்ட பாறை இடுக்குகளில் அபாயம் இருப்பது தெரியவந்துள்ளது.
இதனால் அங்கு சென்று குளிக்கும் சுற்றுலாப் பயணிகளுக்கு ஆபத்து ஏற்படும் சூழ்நிலை உருவாகியுள்ளது. எனவே பெரிய கற்களை கொண்டு நிரப்பி ஆற்றை சீரமைக்க வேண்டும் எனத் தெரிவித்துள்ளனா்.