சிறுமிக்கு வன்கொடுமை தொல்லை கொடுத்த தந்தைக்கும், தடுக்காத தாயாருக்கும் ஆயுள் தண்டனை

மகளை பாலியல்ரீதியாக துன்புறுத்திய தந்தை மற்றும் அதைத் தடுக்காத தாயாருக்கு ஆயுள் தண்டனை விதித்து கோவை போக்சோ சிறப்பு நீதிமன்றம் வெள்ளிக்கிழமை தீா்ப்பளித்தது.

கோவை மாவட்டம், பொள்ளாச்சி அருகே உள்ள ஆனைமலை பகுதியைச் சோ்ந்த விவசாய கூலி தொழிலாளி தம்பதியருக்கு 12 வயதில் மகள் உள்ளாா். இந்நிலையில், சிறுமியை அவரது தந்தை 2018 முதல் பாலியல்ரீதியாக துன்புறுத்தி வந்ததாகக் கூறப்படுகிறது.

இதுகுறித்து அந்த சிறுமி தனது தாயாரிடம் புகாா் தெரிவித்தும் அவா் நடவடிக்கை எடுக்கவில்லை. இந்நிலையில், பாதிப்புக்குள்ளான சிறுமி வீட்டின் அருகில் வசிப்பவா்களிடம் கூறியுள்ளாா்.

இதையடுத்து, அப்பகுதி மக்கள் சிறுமியின் தந்தையைப் பிடித்து போலீஸாரிடம் ஒப்படைத்தனா். இது குறித்து பொள்ளாச்சி அனைத்து மகளிா் போலீஸாா் போக்சோ சட்டத்தின் கீழ் வழக்குப் பதிவு செய்து சிறுமியின் தந்தையைக் கைது செய்தனா்.

இந்த வழக்கு கோவையில் உள்ள போக்சோ வழக்குகளை விசாரிக்கும் சிறப்பு நீதிமன்றத்தில் விசாரிக்கப்பட்டு வந்தது. விசாரணை முடிவில் தந்தை மீதான குற்றம் நிரூபிக்கப்பட்டதையடுத்து அவருக்கும், பாலியல் துன்புறுத்தலைத் தடுக்காத தாயாருக்கும் ஆயுள் தண்டனை விதித்து நீதிபதி ராதிகா தீா்ப்பளித்தாா்.

மேலும் குற்றம்சாட்டப்பட்ட இருவரும் தலா ரூ.ஆயிரம் அபராதம் செலுத்தவும், அரசு சாா்பில் பாதிக்கப்பட்ட சிறுமிக்கு ரூ.5 லட்சம் இழப்பீடு வழங்குவும் உத்தரவிட்டாா்.