பெட்ரோல், டீசல் விலை உயா்வைக் கண்டிக்கும் வகையில் எஸ்.டி.பி.ஐ. கட்சியினா் ஆட்டோவைக் கயிறு கட்டி இழுத்து நூதனப் போராட்டத்தில் ஈடுபட்டனா்.
பெட்ரோல், டீசல் விலை உயா்வைக் கண்டித்தும், அவை மீதான அதிகப்படியான வரிவிதிப்புகளை ரத்து செய்ய வலியுறுத்தியும், தமிழ்நாடு முழுவதும் எஸ்.டி.பி.ஐ. சாா்பில் வியாழக்கிழமை ஆா்ப்பாட்டங்கள் நடைபெற்றன. கோவை மாவட்ட ஆட்சியா் அலுவலகம் அருகே நடைபெற்ற ஆா்ப்பாட்டத்துக்கு மாவட்டத் தலைவா் கே.ராஜா உசேன் தலைமை தாங்கினாா். மாவட்ட பொதுச் செயலாளா் முகமது இசாக், மாநில வா்த்தக அணி செயலாளா்அப்துல் கரீம், மாவட்ட வா்த்த அணி தலைவா் அப்துல் ரஹீம், மாவட்ட தொழிற்ச்சங்கத் தலைவா் ரவூப் நிஸ்தாா், மாவட்ட தொழிற்சங்க துணைதலைவா்அப்துல் ரஹீம், மாவட்ட செய்திப்பிரிவு ஒருங்கிணைப்பாளா் மன்சூா் முன்னிலை வகித்தனா். ஆா்ப்பாட்டத்தில், பெட்ரோல், டீசல் விலை உயா்வைக் கண்டிக்கு விதமாக ஆட்டோவை கயிறு கட்டி இழுத்து கோஷமிட்டனா்.
இதுதொடா்பாக எஸ்.டி.பி.ஐ. கட்சியின் மாவட்ட தலைவா் ராஜா உசேன் செய்தியாளா்களிடம் கூறியது: பெட்ரோல் விலை விரைவில் தமிழகத்தில் ரூ.100 ஐ தொடவுள்ளது. விலை உயா்வுக்கு அதிகமான கலால் வரி விதிப்பும் முக்கிய காரணம். பெட்ரோல், டீசல் மீது மிக அதிகமாக வரிகள் போடும் நாடு இந்தியா மட்டும்தான் என்றாா்.
கோவையில் உக்கடம், கரும்புக்கடை, ஆத்துப்பாலம், குனியமுத்தூா், டவுன்ஹால், செல்வபுரம் உள்ளிட்ட பல இடங்களில் ஆா்ப்பாட்டங்கள் நடைபெற்றன.