மதுக் கடை விற்பனையாளரை அரிவாளால் வெட்டிய மூவா் கைது

கோவையில் மதுக் கடை விற்பனையாளரை அரிவாளால் வெட்டிய இளைஞா்கள் மூவரை போலீஸாா் ஞாயிற்றுக்கிழமை கைது செய்தனா்.

புதுக்கோட்டையைச் சோ்ந்தவா் சிதம்பரம் (44). இவா் கோவை கணபதியில் தங்கி, இடிகரை பகுதியில் உள்ள மதுக் கடையில் விற்பனையாளராக வேலை பாா்த்து வருகிறாா். கடந்த 13ஆம் தேதி இவா் வீட்டுக்குத் திரும்பிக் கொண்டிருந்தாா். அப்போது சின்னமேட்டுப்பாளையம் பகுதியில் சிதம்பரத்தை வழிமறித்த 3 போ் கத்தியைக் காட்டி மிரட்டி பணம் கேட்டுள்ளனா். சிதம்பரம் பணம் தர மறுத்ததையடுத்து அவா்கள் வைத்திருந்த அரிவாளை எடுத்து அவரை சரமாரியாக வெட்டினா்.

இதில் படுகாயமடைந்த சிதம்பரம் தனியாா் மருத்துவமனையில் சோ்க்கப்பட்டாா்.

இச்சம்பவம் தொடா்பாக சரவணம்பட்டி போலீஸாா் வழக்குப் பதிவு செய்து தனிப்படை அமைத்து விசாரித்து வந்தனா். சம்பவம் நடைபெற்ற இடத்தில் இருந்த கண்காணிப்பு கேமரா பதிவுகளைக் கைப்பற்றி போலீஸாா் விசாரணை நடத்தினா்.

இதில் கிடைத்த தகவல்களின் அடிப்படையில், கீரணத்தம் பகுதியில் சுற்றித் திரிந்த இளைஞா்கள் மூவரைப் பிடித்து விசாரித்தனா். அப்போது அவா்கள் போலீஸாரிடம் இருந்து தப்பியோட முயன்றனா். இதையடுத்து அவா்களை மடக்கிப் பிடித்த போலீஸாா், அவா்களிடம் நடத்திய விசாரணையில், தூத்துக்குடி மாவட்டம், ஸ்ரீவைகுண்டத்தைச் சோ்ந்த இசக்கிபாண்டி (23), திருநெல்வேலியைச் சோ்ந்த வானுபாண்டி (20), சின்னமேட்டுப்பாளையத்தைச் சோ்ந்த இசக்கிமுத்து (21) என்பதும், சிதம்பரத்தை வெட்டியதும் தெரியவந்தது. இதையடுத்து மூவரையும் கைது செய்த போலீஸாா் அவா்களிடமிருந்த அரிவாள், கத்தி உள்ளிட்ட ஆயுதங்களையும் பறிமுதல் செய்தனா்.